આ લેખમાં, અમે કિડનીની પથરીની સમસ્યાને દૂર કરવા માટે એલોવેરાનો ઉપયોગ કેવી રીતે કરવો તે વિશે જણાવીશું. એલોવેરામાં બળતરા વિરોધી અને એન્ટિસેપ્ટિક ગુણધર્મો છે, તેથી તેનો ઉપયોગ ઘણા રોગોના ઉપચાર માટે થાય છે, જેમાંથી એક કિડની સ્ટોન છે. એલોવેરા જ્યુસમાં મિનરલ્સ, વિટામિન્સ, શુગર, એન્ઝાઇમ હોય છે.
કિડનીમાં પથરી હોવી એ ખૂબ જ પીડાદાયક સમસ્યા હોય છે. દર્દીને આ સમસ્યામાં અસહ્ય પીડાથી પરેશાન થવું પડે છે. યુરિક એસિડના નાના ટુકડાઓ ભેગા થઈને પથરી બને છે, જેને આપણે કિડનીની પથરી તરીકે ઓળખીએ છીએ. જ્યારે કેલ્શિયમ શરીરમાં ઓક્સાલેટ, ફોસ્ફેટ અથવા કાર્બોનેટ સાથે જોડાય છે, ત્યારે તે પથ્થરનું રૂપ ધારણ કરે છે.
ડિહાઇડ્રેશનની સમસ્યા , સ્થૂળતા, એલર્જી વગેરેની સમસ્યા કિડનીમાં પથરીના કારણો છે. કિડની સ્ટોન ની સમસ્યા સ્ત્રી અને પુરૂષ બંનેમાં થઈ શકે છે, આ સમસ્યા 5 વર્ષથી વધુ ઉંમરના બાળકોને પણ થઈ શકે છે. કિડનીમાં પથરી થાય ત્યારે અપચો, તાવ, ઉલ્ટી જેવા લક્ષણો જોવા મળે છે. જો તમને કિડની સ્ટોનનાં લક્ષણો જણાય તો પહેલા ડૉક્ટર દ્વારા તપાસ કરાવો અને પછી સારવાર શરૂ કરો.
કિડનીમાં પથરીની સમસ્યાને દૂર કરવા માટે તમારે દરરોજ એક કપ એલોવેરા જ્યૂસનું સેવન કરવું જોઈએ, તેનાથી મિનરલ્સનું સ્ફટિકીકરણ ઓછું થશે અને કિડનીમાં પથરી નહીં બને. એલોવેરામાં ઘણા પ્રકારના પોષક તત્વો હોય છે પથરીને દૂર કરવામાં મદદરૂપ થઇ શકે છે.
એલોવેરાનું સેવન કેવી રીતે કરવું: 1. કિડનીમાં પથરીની સમસ્યાને દૂર કરવા માટે તમે એલોવેરાને ક્રેનબેરીના રસમાં મિક્સ કરીને પી શકો છો. ક્રેનબેરીમાં પોટેશિયમ ઓછું હોય છે અને તેમાં એન્ટીઓક્સીડેન્ટ હોય છે, જે શરીરમાંથી વધારાના યુરિક એસિડને દૂર કરે છે અને કિડનીમાં પથરીનું જોખમ ઘટાડે છે.
2. તમે સવારે અને સાંજે બંને સમયે એલોવેરાનું સેવન કરી શકો છો, તમે તેને વેજિટેબલે જ્યુસમાં ઉમેરીને પણ પી શકો છો.
3. તમે હૂંફાળા પાણી સાથે એલોવેરાનું સેવન પણ કરી શકો છો, તમે હૂંફાળા પાણીમાં એલોવેરાનો તાજો પલ્પ ઉમેરીને દિવસમાં બે વાર તેનું સેવન કરી શકો છો.
4. તમે એલોવેરા સાથે લીંબુનો રસ પણ ઉમેરી શકો છો, આનાથી એલોવેરાનો કડવો સ્વાદ ઓછો થશે અને તમે એલોવેરા જ્યુસનું સેવન કરી શકશો.
5. તમે મધ સાથે એલોવેરાનું સેવન પણ કરી શકો છો. આ મિશ્રણ પીવામાં પણ સ્વાદિષ્ટ લાગે છે અને કિડનીની પથરીની સમસ્યાને દૂર કરવા માટે એક ઉત્તમ પીણું બની શકે છે .
કિડની સ્ટોન માટે કોઈપણ ઘરેલું ઉપાય અપનાવતા પહેલા ડૉક્ટરની સલાહ ચોક્કસ લો અને તેમની સલાહ મુજબ કોઈપણ ઉપાય અપનાવો.