મોટાભાગે ત્વચાનો રંગ, ટેક્સ્ચર અને આરોગ્ય સુધારવા માટે હળદર, ચંદન અને ગુલાબજળ જેવી કુદરતી વસ્તુઓનો ઉપયોગ કરવામાં આવે છે. આ સિવાય ઘણાં તાજા ફળો, શાકભાજી, ફૂલો અને પાંદડાઓનો ઉપયોગ ઘરેલું ઉપચારમાં પણ થાય છે.
ત્વચાની સંભાળ માટેના સરળ ઘરગથ્થુ ઉપચાર વિશે વાત કરીએ તો, ટામેટાંના રસનો ઉપયોગ ત્વચા સંબંધિત ઘણી સમસ્યાઓથી છુટકારો મેળવવા માટે પણ થાય છે. એન્ટીઑકિસડન્ટોના ભંડાર તરીકે ઓળખાતા ટામેટાંમાં ઘણા પોષક તત્ત્વો હોય છે જે ત્વચાના સ્વાસ્થ્યને વેગ આપે છે અને ત્વચા પર થતા બેક્ટેરિયલ અને ફંગલ ઇન્ફેક્શનથી પણ ત્વચાને રક્ષણ આપે છે.
તો આ લેખમાં અમે તમને ટામેટાંના આવા જ કેટલાક સૌંદર્ય લાભો વિશે જણાવીશું જેને જાણ્યા પછી તમે પણ તમારી ત્વચા સંભાળની દિનચર્યામાં ટામેટાંનો ઉપયોગ કરવાનું શરૂ કરશો. તો આવો જાણીએ.
બ્લેકહેડ્સથી છુટકારો મેળવવા: ટી-ઝોન પર એટલે કે નાક, કપાળ અને ચિનની આસપાસ દેખાતા વ્હાઈટ હેડ્સ અને બ્લેક હેડ્સ ચહેરાની સુંદરતા બગાડે છે અને તેને ઠીક થવામાં ઘણો સમય લાગે છે. આ હઠીલા બ્લેકહેડ્સને સાફ કરવા માટે તમે ટામેટાંનો રસ ચહેરા પર લગાવી શકો છો.
આનાથી તમારી ત્વચા થોડા જ દિવસોમાં ગ્લો કરશે અને બ્લેકહેડ્સ પણ સાફ થઈ જશે. બ્લેકહેડ્સ દૂર કરવા માટે ટામેટાંનો ઉપયોગ કેવી રીતે કરવો તે વિષે તમને જણાવીએ. આ માટે 2 ચમચી ટામેટાંનો રસ લો. તેમાં એક ચમચી ખાંડ ઉમેરો.
પછી આ મિશ્રણથી નાક અને ચિન પર જ્યાં બ્લેકહેડ્સ દેખાતા હોય ત્યાં મસાજ કરો. ત્યારબાદ તેને ત્વચા પર 20-25 મિનિટ માટે રહેવા દો. ત્યાર બાદ હૂંફાળા પાણીથી ચહેરો ધોઈ લો.
ટામેટા ત્વચા પરની કરચલીઓ અટકાવે છે: ઉંમર વધવાના ચિહ્નો ચહેરા પર કરચલીઓના રૂપમાં દેખાય છે અને જ્યારે ચહેરા પર કરચલીઓ દેખાવા લાગે છે ત્યારે લોકો પરેશાન થઈ જાય છે. વૃદ્ધાવસ્થાના આ સંકેતોથી બચવા માટે ટામેટાના રસથી ચહેરા પર મસાજ કરો. આનાથી ત્વચામાં કોલેજનની રચના થાય છે. કોલેજન એક પ્રોટીન છે જે ત્વચાની રચનાની પ્રક્રિયામાં મદદ કરે છે અને ત્વચાની ચમક વધારે છે.
આ રીતે ઉપયોગ કરો: સૌ પ્રથમ 2 ચમચી ટામેટાંનો રસ લો અને તેમાં એક ચમચી મુલતાની માટી મિક્સ કરો. પછી, તેને ચહેરા પર લગાવો. 20 મિનિટ પછી સાદા પાણીથી ચહેરો સાફ કરો.
અહીંયા જણાવવામાં આવેલી ટિપ્સ સામાન્ય છે. આ ટિપ્સનો ઉપયોગ કરીને તમે મોટી ઉંમરે પણ નાની ઉંમરના દેખાઈ શકો છો. ઘડપણ કોઈ રોકી શકતું નથી પરંતુ કેટલાક ઘરેલુ ઉપાય કરીને તેને લાંબો સમય સુધી અટકાવી શકીએ છીએ.