પાછળના કેટલા વર્ષોમાં કેન્સર જેવી ઘાતક બીમારીઓનું જોખમ ખુબજ વધી ગયું છે. કેન્સર એ સૌથી જૂની અને ઘાતક બીમારીઓમાંની એક છે. કેન્સર શરીરના લગભગ કોઈપણ ભાગને અસર કરી શકે છે. વિશ્વ કેન્સર દિવસ દર વર્ષે 4 ફેબ્રુઆરીએ મનાવવામાં આવે છે.
તેનો હેતુ લોકોને કેન્સર વિશે ચેતવણી આપવાનો છે જેથી તેના કારણે થતા મૃત્યુની સંખ્યામાં ઘટાડો કરી શકાય. કેન્સરના ઘણા પ્રકાર છે. ફેફસાનું કેન્સર વિશ્વભરમાં સૌથી સામાન્ય કેન્સર છે. સ્ત્રીઓમાં, સ્તન કેન્સર અને સર્વાઇકલ કેન્સર પણ સામાન્ય રીતે નોંધાય છે.
દિવસે ને દિવસે વિશ્વમાં કેન્સરનું જોખમ વધી રહ્યું છે. 4 પ્રકારના કેન્સરને સૌથી ખતરનાક ગણાવ્યા છે. જેમાં સ્તન કેન્સર, મોઢાનું કેન્સર, સર્વાઇકલ કેન્સર અને ફેફસાના કેન્સરનો સમાવેશ થાય છે.
કેન્સરના લક્ષણો શું છેઃ જો તમને તમારા શરીરમાં કોઈ ગાંઠ જેવું લાગે તો તેને અવગણશો નહીં. શરીરના કોઈપણ ભાગમાંથી રક્તસ્રાવ અથવા પ્રવાહીના સ્રાવને ગંભીરતાથી લો. આ કેન્સરનું લક્ષણ હોઈ શકે છે. ત્વચામાં કોઈપણ ફેરફાર, સતત ઉધરસ અને અવાજમાં ફેરફાર પણ કેન્સરની નિશાની હોઈ શકે છે.
જો તમને બિનજરૂરી માથાનો દુખાવો હોય, વજન ઘટતું હોય તો પણ તરત જ કેન્સરની તપાસ કરાવવી જોઈએ. શરીરના કોઈપણ ભાગમાં કોષોની અનિયંત્રિત વૃદ્ધિને કેન્સર કહેવાય છે. આવી સ્થિતિમાં તેઓ સ્વસ્થ કોષો પણ ખાય છે.
કેન્સરથી કેવી રીતે બચવું: સંશોધન દર્શાવે છે કે કેન્સર મુખ્યત્વે આપણી ખરાબ જીવનશૈલીને કારણે થાય છે. જો આપણે આપણી રોજીંદી આદતોને યોગ્ય રાખીએ તો કેન્સરથી ઘણી હદ સુધી બચી શકાય છે. તો આ બાબતોમાં તમારી જાતને સુરક્ષિત રાખો.
સ્મોકિંગ એટલે કે ધૂમ્રપાનથી દૂર રહો. તેનાથી કેન્સરનું જોખમ અનેકગણું વધી જાય છે. વધારે પ્રોસેસ્ડ મીટ અને રેડ મીટ ન ખાઓ. શારીરિક અને માનસિક રીતે સક્રિય રહો. દિવસમાં ઓછામાં ઓછી 40 મિનિટ કસરત અથવા ચાલવા માટે સમય કાઢો. આલ્કોહોલનું સેવન ન કરો અથવા મર્યાદિત કરો.
~
જો કેન્સરનો પારિવારિક ઇતિહાસ હોય, તો સમયાંતરે તબીબી તપાસ કરાવતા રહો. કેન્સરને રોકવા માટે સપ્લિમેન્ટ્સ દ્વારા મૂર્ખ ન બનો. વધુ પડતી ખાંડવાળી વસ્તુઓનું સેવન ન કરો. વધુ પડતું મીઠું ખાવાનું પણ ટાળો.
