દાદર એ ત્વચાની સમસ્યા છે જેમાં ત્વચા પર ગોળ અને લાલ ચકામા દેખાય છે. જેમાં ખંજવાળની સાથે બળતરા પણ થાય છે. તે એક ચેપ છે જે સરળતાથી એક વ્યક્તિથી બીજામાં ફેલાય છે. જો કોઈ જાનવર તેનાથી પ્રભાવિત થાય છે, તો તેને સ્પર્શ કરવાથી પણ આ ચેપ ફેલાય છે.
આમ તો તેને દૂર કરવા માટે બજારમાં અનેક પ્રકારની ક્રીમ અને લોશન મળે છે, પરંતુ કેટલાક ઘરેલું ઉપચારથી બે-ત્રણ દિવસમાં તેનાથી છુટકારો મેળવી શકાય છે. તો આજે અમે તમને કેટલાક ઘરેલુ ઉપાયો વિષે જણાવીશું.
હળદર : હળદર એક એન્ટીઓક્સીડેન્ટનું કામ કરે છે. તેમાં એન્ટિફંગલ તત્વો હોય છે, જે ત્વચાના ચેપથી છુટકારો મેળવવામાં ખૂબ અસરકારક સાબિત થાય છે. દાદર દૂર કરવા માટે, હળદરની પેસ્ટ બનાવો અને તેને અસરગ્રસ્ત વિસ્તાર પર લગાવો.
કુંવરપાઠુ : એલોવેરા જેલમાં વિટામિન્સ અને ફોલિક એસિડ જેવા ઘટકો હોય છે. આ જેલનો ઉપયોગ દાદ, ખંજવાળની સમસ્યાને દૂર કરવા માટે પણ કરી શકાય છે. આ માટે એલોવેરાની જેલ કાઢી લો અને તેને સંક્રમિત જગ્યા પર લગાવો અને આખી રાત છોડી દો. જ્યાં સુધી દાદર સંપૂર્ણ નીકળી ન જાય ત્યાં સુધી તેનો ઉપયોગ કરો.
તુલસી : તુલસીનો છોડ પણ લગભગ દરેક ભારતીય ઘરમાં જોવા મળે છે. તે એક શક્તિશાળી એન્ટીઑકિસડન્ટ હોવાની સાથે સાથે એન્ટીબેક્ટેરિયલ, એન્ટિફંગલ અને એન્ટિ-ઇન્ફ્લેમેટરી ગુણધર્મો ધરાવે છે. તુલસીનો છોડ એક ઔષધીય છોડ છે જેનો ઉપયોગ અનેક પ્રકારની સમસ્યાઓને દૂર કરવા માટે થાય છે. તેથી તુલસીના પાનને પીસીને તેની પેસ્ટ બનાવીને દિવસમાં બેથી ત્રણ વાર દાદની જગ્યાએ લગાવવાથી ફાયદો થાય છે.
જીરું : જીરામાં પણ એન્ટિફંગલ ગુણ હોય છે. જે ત્વચાની સમસ્યાઓને દૂર કરવામાં મદદરૂપ છે. તેથી દાદર સિવાયના અન્ય પ્રકારના ચેપને દૂર કરવા માટે દિવસમાં બેથી ત્રણ વખત એક ગ્લાસ પાણી સાથે જીરું ખાવાથી ફાયદો થશે.
લસણ : લસણ એન્ટિફંગલ ગુણોથી ભરપૂર હોય છે જે ત્વચાના ચેપ સામે લડવામાં ખૂબ શક્તિશાળી છે. તે ન માત્ર ચેપનું કારણ બનેલા બેક્ટેરિયાને મારી નાખે છે પરંતુ તેને આગળ વધતા પણ અટકાવે છે. લસણની પેસ્ટ બનાવીને દાદરની જગ્યા પર દિવસમાં બેથી ત્રણ વાર લગાવો. તેનાથી બહુ જલ્દી છુટકારો મળશે.