એવું કહેવામાં આવે છે કે ‘સાવધાની એ એકમાત્ર રક્ષણ છે’ અને આ બિલકુલ સાચું છે. સંપૂર્ણ નિરોગી રહેવા માટે મેડિકલ ટેસ્ટ અને સ્ક્રીનીંગ ખુબજ જરૂરી છે. તમારી ઉંમર ભલે ગમે તે હોય, પરંતુ જેમ જેમ તમે વૃદ્ધ થાઓ તેમ તે વધુ મહત્વપૂર્ણ બની જાય છે.
50 વર્ષથી વધુ ઉંમરની સ્ત્રીઓએ વધુ સાવચેત રહેવાની જરૂર છે, કારણ કે મેનોપોઝ તમારા શરીરમાં ઘણા ફેરફારો લાવી શકે છે. બીજા શબ્દોમાં કહીએ તો, તમારા એકંદર સ્વાસ્થ્ય વિશે તમારા ડૉક્ટર સાથે તપાસ કરવા માટે 50 વર્ષની ઉંમર એ શ્રેષ્ઠ સમય છે.
જો તમે સ્વસ્થ અનુભવો છો, તો પણ સંભવિત સ્વાસ્થ્ય સમસ્યાઓ માટે તમારે નિયમિતપણે તમારા ડૉક્ટરને મળવું જોઈએ. સંભવિત સ્વાસ્થ્ય સમસ્યાઓની વહેલી શોધ-જ્યારે તેઓ સૌથી વધુ સારવાર યોગ્ય હોય છે-તેઓ વય-સંબંધિત દીર્ઘકાલીન સમસ્યાઓને ઘટાડી શકે છે જે સ્ત્રીઓને તેમની ઉંમરની સાથે અસર કરે છે.
તો અહીંયા તમને જણાવીશું કેટલાકે ટેસ્ટ વિષે જે તમારે 50 વર્ષની ઉંમરે કરાવવા જોઈએ. બ્લડ પ્રેશર: હાઈ બ્લડ પ્રેશર, જેને હાયપરટેન્શન તરીકે પણ ઓળખવામાં આવે છે, તે તમને સ્ટ્રોક, હૃદયના રોગો, કિડનીના રોગો અને ક્રોનિક હાર્ટ ફેલ્યોરનું જોખમ વધારે છે.
આ જ કારણ છે કે નિયમિત તપાસ જરૂરી છે. અહીંયા એક વસ્તુ સારી છે કે બ્લડ પ્રેશર એ એક સમસ્યા છે જેને નિયંત્રિત કરી શકાય છે. જો તમે 50 વર્ષ કે તેથી વધુ ઉંમરના છો તો તમારે દર 6 મહિને બ્લડ પ્રેશર ચેક કરાવવું જોઈએ. તો તમને કોઈ બીમારી છે તો તમારે થોડા દિવસના અંતે તમારે ટેસ્ટ કરાવવો જોઈએ.
થાઇરોઇડ: થાઇરોઇડ એક એવી સમસ્યા છે જેની તપાસ ઓછામાં ઓછી દર વર્ષે કરવી જોઈએ. ખાસ કરીને મેનોપોઝની આસપાસ સ્ત્રીઓ થાઈરોઈડની સમસ્યાનો શિકાર બને છે. આ થાક, મૂડ માં બદલાવ, ચિંતા, હતાશા, વજનની સમસ્યાઓ વગેરે તરફ દોરી જાય છે.
ઓસ્ટીયોપોરોસીસ: ઓસ્ટીયોપોરોસીસ હાડકામાં થતી તકલીફ છે. ઓસ્ટીયોપોરોસીસ માટે 50 અને તેથી વધુ ઉંમરની મહિલાઓની તપાસ થવી જરૂરી છે. જો તમને ક્યારેય ફ્રેક્ચર થયું હોય તો, તમારે મેનોપોઝમાંથી પસાર થયા બાદ બોન ડેન્સિટી ટેસ્ટ કરાવવો જોઈએ. જો તમારી ઉંમર 50 વર્ષથી ઓછી છે અને તમને ફ્રેક્ચર થવાનું જોખમ વધારે છે, તો તમારે પણ આ ટેસ્ટ કરાવવો જોઈએ.
ડાયાબિટીસ: થાક લાગવો, વજનમાં ફેરફાર, ભૂખમાં વધારો અને વારંવાર પેશાબ કરવા જવું પડે એ ડાયાબિટીસના શરૂઆતના લક્ષણો છે. જો ડાયાબિટીસની સમયસર જાણ થઈ જાય, તો આહાર અને જીવનશૈલીમાં સરળ ફેરફારો કરીને, ડાયાબિટીસને સફળતાપૂર્વક નિયંત્રિત કરી શકાય છે.
ઉમર સાથે ઇન્સ્યુલિન પ્રતિકારથાય છે. આને કારણે, બ્લડ સુગર વધે છે, જે રક્તવાહિનીઓ, ચેતા અને મહત્વપૂર્ણ અંગોને નુકસાન પહોંચાડે છે. આથી જો તમારે સ્વસ્થ્ય અને નિરોગી જીવન જીવવું હોય તો ડાયાબિટીસની તપાસ કરાવવી જરૂરી છે.
બ્રેસ્ટ કેન્સર: બ્રેસ્ટ કેન્સરની સારવાર માટે બને તેમ વહેલા ખબર પડે તે તેના ઈલાજ માટે ખૂબ જ જરૂરી છે. બ્રેસ્ટ કેન્સરના સ્ટેજ 1 માં અસ્તિત્વ ટકાવી રાખવાનો દર ઘણો ઊંચો છે. 50 વર્ષથી વધુ ઉંમરની મહિલાઓએ દર 1 કે 2 વર્ષે મેમોગ્રામ કરાવવો જોઈએ.
સ્તન કેન્સર અથવા અન્ય જોખમી પરિબળો ધરાવતો કૌટુંબિક ઈતિહાસ હોય તેઓને વહેલાસર સ્ક્રીનીંગ અથવા અલ્ટ્રાસાઉન્ડ અથવા સ્તનનું એમઆરઆઈ કરાવવાની સલાહ આપવામાં આવે છે.
ફેફસાનું કેન્સર: છાતીના એક્સ-રેના રૂપમાં ફેફસાના કેન્સરની વાર્ષિક ધોરણે તપાસ કરી શકાય છે, ખાસ કરીને જો તમારી પાસે ધૂમ્રપાનનો ઇતિહાસ હોય અથવા ફેફસાના કેન્સરનો પારિવારિક ઇતિહાસ હોય.
દંત ચિકિત્સા: વર્ષમાં એક કે બે વાર રૂટિંગ ચેકઅપ માટે દંત ચિકિત્સકની મુલાકાત લો . જો તમારે વધુ વાર મુલાકાત લેવાની જરૂર હશે તો દંત ચિકિત્સક દ્વારા તમને જણાવવામાં આવશે.
આમ હંમેશા તમારા ડૉક્ટર સાથે વાત કરો કે તમારા હેલ્થકેર માટે નિયમિત રીતે કયા પ્રકારનું સ્ક્રીનીંગ કરાવવું જોઈએ. તમારા સ્વાસ્થ્યને તમારા પોતાના હાથમાં લેવા માટે આ એક મહત્વપૂર્ણ પગલું છે.
