મોસંબી અથવા મોસુમીનું ફળ ખૂબ જ રસદાર અને સ્વાદિષ્ટ હોય છે. તેને અંગ્રેજીમાં સ્વીટ લાઈમ તરીકે પણ ઓળખવામાં આવે છે. મોસંબીના ખાટા-મીઠા સ્વાદને કારણે નાના બાળકો વધુ ખાવાનું પસંદ કરે છે. ઘણા લોકો તેને છોલીને ખાવાને બદલે તેનો જ્યુસ પીવાનું વધુ પસંદ કરે છે.
મોસંબીનો જ્યુસ પીવો સ્વાસ્થ્ય માટે ખૂબ જ ફાયદાકારક છે. મોસંબીના રસમાં વિટામિન સી ભરપૂર માત્રામાં હોય છે. આ સિવાય તેમાં વિટામિન B6, ફાઈબર, આયર્ન, કેલ્શિયમ, પોટેશિયમ, ફોસ્ફરસ અને મેગ્નેશિયમ જેવા પોષક તત્વો પણ હાજર હોય છે. મોસંબીની તાસીર ઠંડી હોય છે.
શિયાળામાં મોસંબીનો જ્યુસ પીવાથી રોગપ્રતિકારક શક્તિ મજબૂત બને છે અને ચેપથી બચી શકાય છે. આ જ્યુસ પીવાથી શરદી મટે છે અને પાચનતંત્ર સ્વસ્થ રહે છે. રોજ મોસંબીનો રસ પીવાથી ઘણી સમસ્યાઓ દૂર થાય છે. તો આવો જાણીએ મોસંબીનો જ્યુસ પીવાથી થતા ફાયદા વિષે.
પાચનતંત્રને સ્વસ્થ રાખે : મોસંબીના જ્યૂસનું સેવન કરવાથી પાચનતંત્ર સ્વસ્થ રહે છે. મોસંબી ફાઈબર અને ફ્લેવોનોઈડ ગુણોથી ભરપૂર છે, જે પાચનને સુધારવામાં મદદ કરે છે. મોસંબીના જ્યૂસનું જ્યૂસનું સેવન કરવાથી પાચન સંબંધી સમસ્યાઓ સરળતાથી દૂર થઈ શકે છે. આને પીવાથી પેટમાં ગેસ, અપચો અને કબજિયાતની સમસ્યાથી છુટકારો મળે છે.
હૃદયને સ્વસ્થ રાખે : શિયાળામાં મોસંબીનો જ્યુસ પીવાથી હૃદયને સ્વસ્થ બનાવવામાં મદદ મળે છે. મોસંબીમાં પોટેશિયમ જોવા મળે છે, જે બ્લડ પ્રેશરને નિયંત્રિત કરવામાં મદદ કરે છે. મોસંબીનો રસ પીવાથી કોલેસ્ટ્રોલ લેવલ ઓછું થાય છે. તેના નિયમિત સેવનથી હાર્ટ એટેક, સ્ટ્રોક અને હૃદયની બીમારીઓનું જોખમ ઓછું થાય છે.
વજન નિયંત્રણ કરે છે: શિયાળામાં મોસંબીનો રસ પીવાથી વજન નિયંત્રણમાં રહે છે. તેમાં કેલરીની માત્રા ઘણી ઓછી હોય છે. આને પીવાથી શરીરમાંથી ટોક્સિન્સ બહાર નીકળી જાય છે અને બોડી ડિટોક્સ થાય છે. વજન ઘટાડવા માટે તમે તમારા આહારમાં એક ગ્લાસ મોસંબીના જ્યુસનો સમાવેશ કરી શકો છો.
આંખો માટે ફાયદાકારક : મોસંબીના જ્યૂસનું સેવન આંખો માટે પણ ફાયદાકારક માનવામાં આવે છે. તેમાં વિટામિન સી અને એન્ટીઓક્સીડેન્ટ મળી આવે છે, જે આંખોને સ્વસ્થ રાખવા માટે ફાયદાકારક છે. મોસંબીના રસમાં એન્ટી-બેક્ટેરિયલ ગુણ હોય છે, જે આંખના ચેપને રોકવામાં મદદ કરે છે. આ પીવાથી આંખોની રોશની વધે છે અને મોતિયાનું જોખમ ઓછું થાય છે.
રોગપ્રતિકારક શક્તિ :વધે શિયાળામાં મોસંબીના જ્યૂસનું સેવન કરવાથી રોગપ્રતિકારક શક્તિ વધારવામાં મદદ મળે છે. તેમાં વિટામિન સી ભરપૂર માત્રામાં હોય છે, જે રોગપ્રતિકારક શક્તિને મજબૂત કરવામાં મદદ કરે છે. દરરોજ એક ગ્લાસ મોસંબીનો જ્યુસ પીવાથી શરદી અને ફ્લૂથી રાહત મળે છે. આ સાથે જ ઈન્ફેક્શન અને મોસમી રોગો સામે પણ રક્ષણ મળે છે.
શિયાળામાં મોસંબીનો જ્યુસ પીવો સ્વાસ્થ્ય માટે ખૂબ જ ફાયદાકારક છે. પરંતુ ધ્યાનમાં રાખો કે જો તમને કોઈ રોગ અથવા એલર્જી છે, તો ડૉક્ટરને પૂછ્યા પછી જ તેનું સેવન કરો.