યુરિક એસિડ એ શરીરમાં બનતું રસાયણ છે જે દરેક વ્યક્તિના શરીરમાં બને છે. કિડની શરીરમાં બનતા યુરિક એસિડ, રસાયણો, ખનિજો અને વેસ્ટ પદાર્થોને ફિલ્ટર કરે છે અને પેશાબ દ્વારા શરીરમાંથી દૂર કરે છે. જો શરીરમાં યુરિક એસિડનું પ્રમાણ વધવા લાગે તો કિડની માટે તેને ફિલ્ટર કરીને શરીરમાંથી બહાર કાઢવું મુશ્કેલ બની જાય છે.
યુરિક એસિડ એ એક કાર્બનિક સંયોજન છે જે હાઇડ્રોજન, ઓક્સિજન અને નાઇટ્રોજન જેવા તત્વોથી બનેલું છે. ડો. ના મતે યુરિક એસિડ આપણા શરીરમાં બનેલું એક રસાયણ છે, જે શરીરમાં બને છે, સાથે જ ખોરાક દ્વારા પણ શરીરમાં પહોંચે છે. યુરિક એસિડનું સ્તર સ્ત્રીઓ માટે 2.4-6.0 mg/dL અને પુરુષો માટે 3.4-7.0 mg/dL હોવું જોઈએ.
જ્યારે યુરિક એસિડનું સ્તર જયારે 7mg/DL સુધી પહોંચી જાય છે, ત્યારે સમસ્યા વધવા લાગે છે. લોહીમાં યુરિક એસિડનું સ્તર વધવાથી તે સાંધામાં ક્રિસ્ટલના રૂપમાં જમા થવા લાગે છે. આ ક્રિસ્ટલ્સ આંગળીઓ અને અંગૂઠાના સાંધાઓને અસર કરે છે અને સંધિવા જેવા રોગનું સ્વરૂપ લે છે.
જે લોકોના યુરિક એસિડનું પ્રમાણ વધુ રહે છે તેઓએ તેમના આહારમાં પ્યુરિનયુક્ત ખોરાક ટાળવો જોઈએ. પ્યુરિન આહાર યુરિક એસિડનું સ્તર ઝડપથી વધારે છે. ખોરાકમાં અમુક ખોરાક લેવાથી યુરિક એસિડનું સ્તર ઝડપથી વધે છે. કેટલાક અનાજ એવા હોય છે જે પચતાની સાથે જ ઝડપથી યુરિક એસિડ ઉત્પન્ન કરે છે.
આયુર્વેદિક એક્સપર્ટના જણાવ્યા અનુસાર યુરિક એસિડના દર્દીઓએ તેમના આહારમાં પ્યુરિનયુક્ત ખોરાક ટાળવો જોઈએ. તો આવો જાણીએ કે જે લોકોને યુરિક એસિડનું પ્રમાણ વધુ હોય તેમણે કયો ખોરાક ટાળવો જોઈએ.
અડદની દાળ : જે લોકોમાં યુરિક એસિડ હાઈ રહે છે તે લોકોએ અડદની દાળનું સેવન કરવાનું ટાળવું જોઈએ. અડદની દાળ પ્યુરિનથી ભરપૂર છે અને પાચન પછી ઝડપથી યુરિક એસિડ બનાવે છે. જો તમારું યુરિક એસિડ વધારે રહે છે, તો તમારે અડદની દાળનું સેવન કરવાનું ટાળવું જોઈએ.
તુવર દાળ : તુવર દાળમાં પ્રોટીન હોય છે. જેના કારણે શરીરમાં યુરિક એસિડની માત્રા વધવા લાગે છે. તુવર દાળ ખાવાથી પાચનક્રિયા ખરાબ થાય છે અને એલર્જીની સમસ્યા પણ વધવા લાગે છે. જે લોકોનું યુરિક એસિડ વધારે રહે છે તેઓએ તુવર દાળથી બચવું જોઈએ. દાળનું સેવન સાંજે કરવાથી યુરિક એસિડની સમસ્યા વધી શકે છે
પાલક : જો યુરિક એસિડનું સ્તર ઊંચું રહે છે, તો આહારમાં પાલકનું સેવન ટાળો. પાલકમાં પ્રોટીન અને પ્યુરિન બંને મળી આવે છે, જે યુરિક એસિડવાળા દર્દીઓના સાંધામાં દુખાવો અને સોજો વધારી શકે છે. તેથી યુરિક એસિડના દર્દીઓએ આ શાકભાજીથી દૂર રહેવું જોઈએ.
રાજમા : જે લોકોમાં યુરિક એસિડનું પ્રમાણ વધુ હોય તેમણે તેમના આહારમાં રાજમા ટાળવા જોઈએ. રાજમામાં પ્યુરીન ભરપૂર માત્રામાં જોવા મળે છે જે યુરિક એસિડ વધારવા માટે જવાબદાર છે. રાજમા ખાવાથી સાંધાના દુખાવા અને સોજાની સમસ્યા વધી જાય છે.
શરાબ ટાળો: યુરિક એસિડની સમસ્યાથી પરેશાન લોકોએ ક્યારે પણ શરાબ પીવું જોઇએ નહીં. ખાસ કરીને રાત્રે તેનું સેવન ન કરવું જોઈએ. જો તમે રાત્રે શરાબ પીવો છો તો આ સમસ્યા વધી જાય છે અને તમે તકલીફમાં મુકાઇ શકો છો.
જો તમે પણ યુરિક એસિડની સમસ્યાથી પરેશાન છો તો તમારે અહીંયા જણાવેલ વસ્તુઓનું સેવન ટાળવું જોઈએ. આ વસ્તુઓનું સેવન કરવાથી તમારી સમસ્યાઓમાં વધારો થઇ શકે છે. તેથી આ વસ્તુઓથી દૂર રહો.