શું કિડનીના દર્દીઓ હળદરનું સેવન કરી શકે છે? નિષ્ણાતે જણાવી દીધી આ વાત

મિત્રો કિડની આપણા શરીરનો એક મહત્વપૂર્ણ ભાગ છે, જે શરીરમાંથી હાનિકારક અને ઝેરી કચરાને દૂર કરે છે. ખરાબ આહાર અને બગડતી જીવનશૈલી આપણી કિડનીને અનેક રીતે બીમાર કરી રહી છે. હેલ્થ એક્સપર્ટના મતે જ્યારે કિડની યોગ્ય રીતે કામ નથી કરતી ત્યારે શરીરમાં ટોક્સિન્સ જમા થવા લાગે છે, જેના કારણે આપણા શરીરમાં અનેક બીમારીઓ થવા લાગે છે.

કિડનીના રોગોની વાત કરીએ તો, કિડનીની નબળાઇ, કિડની પર સોજો, કિડનીને નુકસાન જેવા રોગો લોકોને વધુ પરેશાન કરે છે. કિડનીની બીમારીમાં ખાવા-પીવા પર વધુ નિયંત્રણ રાખવું ખૂબ જ જરૂરી છે. કેટલાક ખાદ્યપદાર્થોનું સેવન કિડનીના દર્દીઓ માટે ફાયદાકારક હોય છે, જ્યારે કેટલાક ખોરાકના સેવનથી તેમના સ્વાસ્થ્યને ઘણું નુકસાન થાય છે.

ઘણીવાર લોકો માને છે કે કિડનીના દર્દીઓએ હળદરનું સેવન ન કરવું જોઈએ. ઔષધીય ગુણોથી ભરપૂર હળદરનું સેવન કરવાથી રોગપ્રતિકારક શક્તિ મજબૂત બને છે અને શરીર સ્વસ્થ રહે છે. હળદરનું સેવન કરવાથી માનસિક તણાવ દૂર થાય છે અને બ્લડ શુગર પણ નિયંત્રણમાં રહે છે. હળદરનું સેવન શરીર પર દવાની જેમ અસર કરે છે.

AIIMSના ભૂતપૂર્વ કન્સલ્ટન્ટ અને સાઓલ હાર્ટ સેન્ટરના સ્થાપક અને નિર્દેશક ડૉ. બિમલ ઝાંઝરના જણાવ્યા અનુસાર, હળદર એક એવો મસાલો છે જે સ્વાસ્થ્ય માટે ખૂબ જ ઉપયોગી છે. તો આવો નિષ્ણાતો પાસેથી જાણીએ કે કિડનીની સમસ્યામાં હળદરનું સેવન કરી શકાય છે?. આ મસાલાનું સેવન કરવાથી શરીરને શું ફાયદા થાય છે.

કિડનીની બીમારીમાં હળદરનું સેવન કરી શકાય? : healthmatch ના નિષ્ણાતોના મતે, હળદર એક એવો મસાલો છે જેનો ઉપયોગ ઘણી સ્વાસ્થ્ય સમસ્યાઓને દૂર કરવા માટે થાય છે. હળદરમાં રહેલું કર્ક્યુમિન મુખ્ય તત્વ છે જે તેને સુપરફૂડ બનાવે છે.

આ તત્વ પીડાને દૂર કરે છે અને રોગપ્રતિકારક શક્તિને મજબૂત બનાવે છે. તેનું સેવન કરવાથી ઈન્ફેક્શનનો ખતરો ઓછો થાય છે. આ મસાલો શરીરની દરેક વસ્તુને મટાડી શકે છે.

હવે સવાલ એ થાય છે કે શું હળદરનું સેવન કરવાથી કિડનીની સમસ્યા વધવા લાગે છે? હળદર ક્રોનિક કિડની ડિસીઝ અને અન્ય સ્વાસ્થ્ય સ્થિતિઓ ધરાવતા લોકો માટે ખૂબ જ ફાયદાકારક છે. આ મસાલાના મર્યાદિત સેવનથી કિડનીને કોઈપણ પ્રકારની સમસ્યા થતી નથી.

~

હળદરનું વધુ પડતું સેવન સ્વાસ્થ્યને કેવી રીતે અસર કરે છે: હેલ્થલાઈનના સમાચાર મુજબ હળદરનું વધુ પડતું સેવન કરવાથી શરીરમાં અનેક બીમારીઓ થવાનો ખતરો રહે છે. હળદરમાં રહેલા કર્ક્યુમિનમાં ઓક્સાલેટનું પ્રમાણ વધુ હોય છે જે કિડનીમાં પથરીનું જોખમ વધારી શકે છે અને આ મહત્વપૂર્ણ અંગની કામગીરીમાં અવરોધ લાવી શકે છે.

આ સિવાય કર્ક્યુમિનની તાસીર ગરમ હોય છે, જેનાથી ઝાડા અને અપચો થઈ શકે છે. હળદરના વધુ પડતા સેવનથી લોહી પાતળું થઈ શકે છે કારણ કે તે લોહીના ગંઠાઈ જવાને ઘટાડવામાં મદદ કરે છે. હળદરનું વધુ પડતું સેવન લીવરના સ્વાસ્થ્યને પણ અસર કરી શકે છે.