સફેદ વાળને સામાન્ય રીતે ઉંમર વધવાની નિશાની માનવામાં આવે છે, પરંતુ ક્યારેક તમારા વાળ નાની ઉંમરમાં જ સફેદ થવા લાગે છે અને તમે તેનું કારણ સમજી શકતા નથી? તમને જણાવી દઈએ કે નાની ઉંમરે સફેદ વાળ થવાના ઘણા કારણો હોય છે જેવા કે આનુવંશિક, હોર્મોનલ ફેરફારો અથવા વાળના ફોલિકલ્સમાં મેલાનિન પિગમેન્ટનું ઉત્પાદન ઘટાડવું અથવા બંધ થઈ જવું.
તમને જણાવીએ કે સફેદ વાળ માટે કોઈ વય મર્યાદા નથી, તે કોઈપણ ઉંમરે થઈ શકે છે. આજકાલ નાના બાળકો પણ તેનો સામનો કરી રહ્યા છે. જો તમારા વાળ પણ સફેદ થઇ ગયા છે અને તમે સફેદ વાળનો ઉકેલ શોધી રહ્યા છો તો ચાલો તમને જણાવીએ અકાળે સફેદ થતા અટકાવવાનો કેટલાક ઉપાય વિષે.
મહેંદી લગાવો: સફેદ વાળને કુદરતી રંગ આપવા માટે કેમિકલયુક્ત પ્રોડક્ટ્સ કરતા મહેંદીનો ઉપયોગ શ્રેષ્ઠ છે. વાળ પર કેમિકલયુક્ત રંગો લગાવવાને બદલે , મેંદીનો ઉપયોગ કરવાથી વાળમાં ચમક જળવાઈ રહે છે અને વાળને કોઈ નુકસાન થતું નથી. વાળમાં મહેંદી લગાવવા માટે તેને આખી રાત પલાળી રાખો, પછી બીજા દિવસે તેમાં લીંબુનો રસ અને કોફી મિલાવીને લગાવો.
ઘી લગાવો: સફેદ વાળની સમસ્યાથી છુટકારો મેળવવા માટે વાળના મૂળમાં ઘી લગાવો. ઘી લગાવવાથી જે જગ્યા પર સફેદ વાળ થતા હોય તે થતા અટકાવે છે. આ ઉપરાંત તે વાળને મજબૂત બનાવે છે. અઠવાડિયામાં બે થી ત્રણ વાર વાળના મૂળમાં ઘીથી માલિશ કરો.
મેથીના દાણા: મેથીના દાણામાં એવા ઘણા પોષક તત્વો મળી આવે છે, જે વાળને સફેદ થતા અટકાવે છે. મેથીના દાણાનો ઉપયોગ કરવા માટે, તેને પાણીમાં પલાળી રાખો અને તેને પીસી લો, પછી તેની પેસ્ટને નારિયેળ તેલમાં મિક્સ કરો અને વાળના મૂળમાં લગાવો. આમ કરવાથી સફેદ વાળની સમસ્યા ઝડપથી દૂર થઈ જશે.
તલ અને બદામનું તેલ લગાવો: બદામ ખાવામાં મોંઘી પડે છે પરંતુ બદામના તેલમાં એવા પોષક તત્વો હોય છે જે વાળને લાંબા સમય સુધી કાળા રાખવામાં મદદ કરે છે. આ ઉપરાંત તલનું તેલ પણ વાળ માટે ખૂબ ફાયદાકારક છે, તેથી અઠવાડિયામાં ઓછામાં ઓછા બે વખત આ બે તેલમાંથી કોઈ એક તેલથી વાળમાં માલિશ કરો.
ચાની પત્તી: ચાની પત્તીમાં એન્ટીઓક્સીડેન્ટ ગુણ જોવા મળે છે, જે વાળના રંગને કાળો કરવામાં મદદરૂપ થાય છે. વાળમાં ચાની પત્તી લગાવવા માટે, તેને પાણીમાં ઉકાળો, તેને ઠંડુ કરો, પછી વાળના મૂળમાં માલિશ કરો અને 1 કલાક પછી પાણીથી ધોઈ લો. ધ્યાન રાખો કે ચા પત્તીની માલિશ કર્યા પછી વાળને શેમ્પૂ ન કરો.
અહીંયા જણાવેલ ઉપાય ઉપરાંત આ બાબતો ધ્યાનમાં રાખો: નબળી ગુણવત્તાવાળા ઉત્પાદનોને લાગુ કરવાનું ટાળો, કારણ કે નબળી ગુણવત્તાવાળા ઉત્પાદનોમાં ક્લોરિન, સલ્ફેટ, ફોસ્ફેટ્સ અને એમોનિયા જેવા રસાયણો હોય છે, જે વાળના મૂળને નબળા પાડે છે, જેનાથી તમારા વાળ સફેદ થઈ શકે છે.
સફેદ વાળની સમસ્યાથી બચવા માટે માથા પર નિયમિત તેલની માલિશ કરો. જેના કારણે માથામાં લોહીનો પ્રવાહ સારો રહે છે અને વાળ સ્વસ્થ રહે છે. જો શક્ય હોય તો, બદામ અથવા નારિયેળ જેવા કુદરતી તેલનો કે ઉપયોગ કરવાનો આગ્રહ રાખો.
જો તમે ધૂમ્રપાન કરો છો, તો તેને બંધ કરો. કારણકે ધૂમ્રપાન કરનારાઓમાં સફેદ વાળની સમસ્યા ચાર ગણી વધી જાય છે. જો તમને આ માહિતી પસંદ આવી હોય તો મિત્રોને જરૂર જણાવો અને આવીજ માહિતી વાંચવા માટે અમારી સાથે જોડાયેલા રહો.