ઘણીવાર આપણને વધુ ને વધુ પાણી પીવાની સલાહ આપવામાં આવે છે. પરંતુ જરૂર કરતાં વધુ પાણી પીવાથી ક્યારેક ફાયદો થવાને બદલે નુકસાન થવા લાગે છે. કારણ કે વધુ પડતું પાણી પીવાથી પણ ડીહાઈડ્રેશનની સમસ્યા થાય છે. જેના કારણે શરીરમાં લો સોડિયમની સમસ્યા થાય છે અને તેના કારણે માથાનો દુખાવો, ઉલ્ટી અને ચક્કર આવવાની સમસ્યા થાય છે.
આવી સમસ્યાઓને ઓછી કરવા માટે આજે અમે તમને પાણીના યોગ્ય સેવનને લઈને આયુર્વેદ સાથે જોડાયેલી કેટલીક ટિપ્સ વિશે જણાવીશું. તો ચાલો જાણીએ કે આયુર્વેદિક ડૉક્ટરે જણાવ્યા અનુસાર, પાણી પીતી વખતે આપણે કઈ બાબતોનું ખાસ ધ્યાન રાખવાની જરૂર છે.
તમારે દરરોજ કેટલું પાણી પીવું જોઈએ: આયુર્વેદિક ડૉક્ટરે જણાવ્યા અનુસાર તમારે દરરોજ જરૂર કરતા વધારે પાણી પીવાની જરૂર નથી. કારણ કે વધુ પડતું પાણી પીવાથી પણ ઘણી સ્વાસ્થ્ય સમસ્યાઓ થાય છે. તેથી, દરેક વ્યક્તિએ તેના સ્વાસ્થ્ય અને શરીરમાં પાણીની જરૂરિયાત મુજબ પાણી પીવું જોઈએ, ન તો વધારે અને ન તો ઓછું.
આ સિવાય એકીસાથે વધારે પાણી પીવાનું પણ ટાળવું જોઈએ કારણ કે આમ કરવાથી પેટમાં દુખાવો પણ થઈ શકે છે. આ સાથે જ જો તમને ઓછો પરસેવો આવે છે અથવા તમારું મોં હંમેશા સુકાઈ જાય છે, તો તેનો અર્થ એ છે કે તમે ઓછું પાણી પી રહ્યા છો જે તમારા સ્વાસ્થ્ય માટે હાનિકારક હોઈ શકે છે.
ઓછું પાણી પીવાથી આ સમસ્યાઓ થઈ શકે છે: હેલ્થ એક્સપર્ટના મતે જે લોકો જરૂરિયાત કરતા ખૂબ ઓછું પાણી પીવે છે. એવા લોકોમાં અનેક પ્રકારની સ્વાસ્થ્ય સમસ્યાઓ શરૂ થાય છે. જેમાં કબજિયાત, માથાનો દુખાવો અને ચક્કર આવવા અને ચામડીના રોગોમાં વધારો જેવી સમસ્યાઓનો સમાવેશ થાય છે.
પાણી પીવા માટેની આયુર્વેદ ટિપ્સ: પાણી હંમેશા બેસીને પીવો. વધુ પડતું ઠંડુ પાણી પીવાનું ટાળો. પાચન સંબંધી સમસ્યાઓ ઘટાડવા માટે તમે હૂંફાળું ગરમ પાણી પી શકો છો. પીવાનું પાણી માટીના ઘડામાં જ રાખો. સવારે ઉઠ્યા પછી એક ગ્લાસ પાણી પીવો.
જો તમે પણ અહીંયા જણાવેલી પાણી પીવાની ભૂલ કરતા હોય તો હવેથી બંધ કરી દેજો અને દિવસમાં 8 થી 10 ગ્લાસ પાણી પીવો.