શરીરની રોગપ્રતિકારક શક્તિને મજબૂત રાખવા અને સ્વસ્થ્ય રહેવા માટે સારો આહાર કે જે આહારમાં વિટામિન, પ્રોટીન અને મિનરલ્સ નો સમાવેશ થાય તેનું સેવન કરવાની સલાહ આપવામાં આવે છે.
શરીરની રોગપ્રતિકારક શક્તિને મજબૂત બનાવી રાખવાથી લઈને હાડકાંને મજબૂત રાખવા માટે, વિટામિન-ડીવાળી વસ્તુઓનું નિયમિત સેવન કરવાની સલાહ આપવામાં આવે છે. કેલ્શિયમ શરીરમાં વિટામિન ડીની મદદથી જ શોષાય છે. આ જ કારણ છે કે જે લોકોમાં વિટામીન-ડીની ઉણપ હોય છે તેઓ હાડકાં સંબંધિત ઘણી સમસ્યાઓનો શિકાર બને છે.
નિષ્ણાતો કહે છે કે તમામ પુખ્ત વયના લોકોએ દરરોજ 10-20 માઇક્રોગ્રામની માત્રામાં આ વિટામિનનું સેવન ચોક્કસ કરવું જોઈએ. તમે તમારા આહારમાં માછલી, મશરૂમ, દૂધ અને ઈંડા જેવી ઘણી વસ્તુઓનો સમાવેશ કરીને વિટામિન ડીની ઉણપ ને દૂર કરી શકો છો.
શું તમે જાણો છો કે કેટલાક લોકોને વિટામિન ડીની ઉણપનું જોખમ વધારે હોય છે? ડોકટરોનું કહેવું છે કે આપણી ખાનપાનની આદતો અને જીવનશૈલીની ખરાબ આદતો કુદરતી રીતે શરીરમાં આ જરૂરી વિટામિનની ઉણપનું કારણ બની શકે છે.
કેટલાક અભ્યાસોમાં એવું પણ કહેવામાં આવ્યું છે કે શહેરી વાતાવરણમાં રહેતા લોકો ગ્રામીણ વાતાવરણ કરતાં વધુ જોખમમાં છે. તો આવો જાણીએ કેવી રીતે? વિટામિન-ડી શા માટે મહત્વપૂર્ણ છે? વિટામિન-ડીની ઉણપને વધારતા પરિબળો વિશે જાણતા પહેલા, તમને જણાવીએ કે આપણા શરીર માટે તેની શું જરૂરિયાત છે?
સંશોધન સૂચવે છે કે વિટામિન ડી વિવિધ સ્વાસ્થ્ય સ્થિતિઓ માટે આવશ્યક માનવામાં આવે છે જેમ કે હાડકાની મજબૂતાઈ, સ્નાયુઓની મજબૂતાઈ, કેન્સર, હૃદય રોગ અને પ્રકાર 2 ડાયાબિટીસનું જોખમ ઘટાડવું અને રોગપ્રતિકારક શક્તિને મજબૂત કરવી. કેટલાક અભ્યાસો દર્શાવે છે કે વિટામિન ડી કોલોન, પ્રોસ્ટેટ અને સ્તન કેન્સરની વૃદ્ધિને નિયંત્રિત કરવામાં પણ અસરકારક હોઈ શકે છે.
કયા લોકોને તેની ઉણપ હોઈ શકે છે? હેલ્થ એક્સપર્ટ્સનું કહેવું છે કે કેટલીક શરતોને કારણે તમને વિટામિન-ડીની ઉણપનું જોખમ હોઈ શકે છે. સૌથી વધુ જોખમ એવા લોકોમાં જોવા મળ્યું છે જેઓ દિવસનો મોટાભાગનો સમય બંધ રૂમ અથવા ઓફિસમાં વિતાવે છે અને સૂર્યપ્રકાશનો ઓછો સંપર્ક કરે છે.
આ સિવાય જે લોકો સનસ્ક્રીનનો વધુ પડતો ઉપયોગ કરે છે, તેમની ત્વચા પણ વિટામિન-ડીને યોગ્ય માત્રામાં શોષી શકતી નથી. આમ તો, આપણા શરીરને ખોરાક ઉપરાંત સૂર્યપ્રકાશ દ્વારા વિટામિન-ડી મળે છે, પૂરતા પ્રમાણમાં સૂર્યપ્રકાશ ન મળવાથી શરીરમાં ઉણપનો ખતરો હોઈ શકે છે.
સૂર્યપ્રકાશ અને વિટામિન ડી: ઘણા અભ્યાસો દર્શાવે છે કે સૂર્યપ્રકાશ સાથે ત્વચાની રાસાયણિક પ્રતિક્રિયા વિટામિન ડીની રચના તરફ દોરી જાય છે. જ્યારે ત્વચા સૂર્યના સંપર્કમાં આવે છે, ત્યારે 7- ડિહાઇડ્રોકોલેસ્ટરોલ નામના સ્ટેરોઇડનું ભંગાણ થાય છે, જે વિટામિન ડીનું નિર્માણ થાય છે. આહારની સાથે, સૂર્યના સંપર્કમાં પણ વિટામિન ડી માટે જરૂરી માનવામાં આવે છે.
વિટામિન-ડી માટે સ્વસ્થ આહાર પણ જરૂરી છે: વિટામિન ડીની ઉણપથી સ્નાયુમાં દુખાવો, થાક અને ગંભીર પરિસ્થિતિમાં ડિપ્રેશન થઈ શકે છે, આવી સમસ્યાઓથી બચવા માટે આહારમાં ચોક્કસપણે એવી વસ્તુઓનો સમાવેશ કરો કે જેમાં આ વિટામિન પુષ્કળ માત્રામાં હોય. પાલક, કોબી, સોયાબીન અને કઠોળ જેવા શાકભાજીની સાથે સંતરા અને કેળા ખાવા ફાયદાકારક માનવામાં આવે છે.
વિટામિન ડી થી ભરપૂર વસ્તુઓ: સંતરા: સંતરામ સારી માત્રામાં વિટામિન સી, વિટામિન ડી, ફોલેટ, પોટેશિયમ અને વિટામિન ડી હોય હોય છે. સંતરાને તમે છોલીને ખાઈ શકો છો. જો તમે ઈચ્છો તો તેનો જ્યુસ બનાવીને પણ પી શકો છો. સંતરા ખાવાથી અથવા તેનો જ્યુસ પીવાથી નબળા પડી ગયેલા હાડકાંને મજબૂત થાય છે.
મશરૂમઃ દરરોજ મશરૂમ ખાવાથી શરીરમાં વિટામિન ડીની ઉણપ દૂર કરી શકાય છે. મશરૂમ વિટામિન B1, B2, B5 અને કોપર જેવા ખનિજોથી ભરપૂર છે. પરંતુ તમને જણાવીએ કે વિવિધ પ્રકારના મશરૂમ્સમાં વિટામિન ડીનું પ્રમાણ પણ અલગ-અલગ હોય છે. સફેદ અને પોર્ટબેલા મશરૂમમાં વિટામિન ડી સારી માત્રામાં જોવા મળે છે.
દહીં: દહીં જે ભારતીય ભોજનમાં દરરોજ બપોરે ભોજન સાથે ખવાતી વસ્તુ છે. દહીંમાં વિટામિન ડી ભરપૂર માત્રામાં હોય છે સાથે સાથે તે પ્રોટીનથી પણ ભરપૂ છે. જે લોકોને પાચનની સમસ્યા હોય તેવા લોકોએ બપોરે ભોજન સાથે દહીંનું સેવન કરવું. દહીં ખાવાથી રોગપ્રતિકારક શક્તિ વધે છે અને હાડકાં પણ મજબૂત બને છે.
આ સાથે મશરૂમ શ્રેષ્ઠ આહાર માનવામાં આવે છે. જો તમે પણ વિટામિન ડીની ઉણપથી પરેશાન છે તો અહીંયા જણાવેલા આહારનું સેવન કરીને શરીરમાંથી વિટામિન ડીની ઉણપ દૂર કરી શકો છો અને હાડકાને મજબૂત રાખી શકો છો.
