આજના સમયમાં સવારે ઉઠતાની સાથે જ એક મોટી સમસ્યા મોટાભાગના લોકોને હેરાન કરે છે તેનું નામ છે કબજિયાત. કબજિયાતની સમસ્યામાં તમારું પેટ સવારે બરાબર સાફ થતું નથી જેનાથી તમારો આખો દિવસ ખરાબ જાય છે અને તમને પેટમાં નાની મોટી સમસ્યાઓ થવા લાગે છે.
કબજિયાત થવાના ઘણા કારણો છે જેમાં મુખ્યત્વે યોગ્ય રીતે ન ખાવું, પાણી ઓછું પીવું, ઠંડુ, મસાલેદાર અથવા તળેલું ખોરાક ખાવું, આહારમાં ફાઇબરનું પ્રમાણ ઓછું હોવું, રાત્રે પૂરતી ઊંઘ ન લેવી, સમયસર રાત્રિભોજન ન કરવું, ખરાબ જીવનશૈલી વગેરેનો સમાવેશ થાય છે.
જો તમે પણ કબજિયાતની સમસ્યાથી પરેશાન છો તો તમે તમારા રસોડામાં રહેલી કેટલીક વસ્તુઓનો ઉપયોગ કરીને કબજિયાતની સમસ્યાથી છુટકાળો મેળવી શકો છો.
રાત્રે પલાળેલી કિસમિસ ખાઓ: 8 થી 10 કિસમિસના દાણાને આખી રાત પાણીમાં પલાળી રાખો અને પછી તેને સવારે ખાલી પેટ ખાઓ. જો તમે કિસમિસને પલાળી રાખો છો, તો તે વાત દોષને ઘટાડવામાં ઘણી મદદ કરે છે અને ગેસ્ટ્રિક સમસ્યાઓ પણ ઘટાડે છે. જેના કારણે ખોરાક સરળતાથી પચી જાય છે.
પલાળેલી કિસમિસ ફાઈબરથી ભરપૂર હોય છે જે તમારી કબજિયાતને દૂર કરવામાં ઘણી મદદ કરી શકે છે. જો તમને પિત્તની સમસ્યા છે તો પણ તે ખૂબ જ સારી અસરકારક સાબિત થશે.
રાત્રે પલાળેલા મેથીના દાણા: જો તમને વારંવાર કબજિયાતની સમસ્યા થાય છે તો આખી રાત પલાળેલા મેથીના દાણા તમારી કબજિયાત મટાડવામાં ખૂબ અસરકારક સાબિત થઈ શકે છે. આ ઉપાય માટે એક ચમચી મેથીના દાણાને આખી રાત પલાળી રાખો અને સવારે ખાલી પેટ ખાઓ. જો તમે ઈચ્છો તો મેથીના દાણાને બદલે પાઉડરનો પણ ઉપયોગ કરી શકો છો.
આ પાવડર તમે રાત્રે સૂતા પહેલા હુંફાળા પાણી સાથે પણ લઈ શકો છો. જે લોકો ને વાત અને કફ ના દોષ હોય તેમના માટે તે મેથી પાવડર સારું સાબિત થઈ શકે છે. જો તમને વધારે પિત્તની સમસ્યા હોય એટલે કે શરીરની ગરમી વધારે હોય તો તમારે નિષ્ણાતની મુલાકત લીધા પછી તેનો ઉપયોગ કરવો.
ગાયનું દૂધ: જો તમને વાત કબજિયાત છે , તો ગાયનું શુદ્ધ દૂધ તમારા માટે કુદરતી રેચક સાબિત થઈ શકે છે. આ બાળકો અને મોટી ઉંમરના લોકો માટે ઘણું સારું સાબિત થઈ શકે છે. સગર્ભા સ્ત્રીઓ માટે પણ સારું હોઈ શકે છે. જો તમે દરરોજ રાત્રે સૂતા પહેલા નવશેકું ગાયનું દૂધ પીઓ છો તો તે તમારા સ્વાસ્થ્ય માટે ખૂબ જ સારું સાબિત થઈ શકે છે. આ તેવા લોકો માટે સારું છે જેમને પિત્ત દોષની સમસ્યા વધુ હોય છે.
ગાયનું ઘી: ગાયનું ઘી તમારું મેટાબોલિઝમ સુધારે છે. ગાયના ઘીમાં વિટામિન-એ, વિટામિન-ડી, વિટામિન-ઇ, વિટામિન-કે જેવા ચરબીમાં દ્રાવ્ય વિટામિન્સ હોય છે જે તમારા આંતરડાને સુધારે છે.
તમારે ગાયનું જ ઘી ખાવું કારણકે ગાયનું ઘી ભેંસના ઘી કરતા વધુ ગુણકારી હોય છે. ક્રોનિક કબજિયાત માટે હૂંફાળા ગાયના દૂધ સાથે 1 ચમચી ગાયનું ઘી પીવું શ્રેષ્ઠ છે.
જો તમને પણ કબજિયાતની સમસ્યા છે તો તમારે અહીંયા જણાવેલ ઉપાય કરવા જોઈએ. માહિતી પસંદ આવી હોય તો તમારા મિત્રોને આગળ મોકલો અને આવીજ માહિતી વાંચવા અમારી સાથે જોડાયેલા રહો.