આજના સમયમાં દરેક વ્યકતિનું જીવન ભાગદોડ ભર્યું થઈ ગયું છે. તેવામાં ઉનાળાની ગરમીઓમાં અનિયમિત ખાણી પીણી હોવાથી આપણે અનેક રોગોના શિકાર પણ થઈ શકીએ છીએ. જેમાં નાના બાળકોથી લઈને મોટી ઉંમરના દરેક વ્યક્તિ બીમાર પડી શકે છે.
હાલમાં ચાલી રહેલ ઉનાળાની ગરમીમાં આપણા શરીરને સૌથી વધુ પાણીની જરૂર પડતી હોય છે. તેવામાં જો પાણી ઓછું પીવામાં આવે તો આપણા શરીરમાં ઘણી બીમારી થવાનું જોખમ પણ વઘી જાય છે. જેમાં પેશાબને લગતી સમસ્યા સૌથી વધુ જોવા મળતી હોય છે.
માટે આજે અમે તમને પેશાબને લગતી સમસ્યાને દૂર કરવા માટે કેટલાક ઘરેલુ ઉપાય અજમાવા જોઈએ જેથી જેથી પશાબની બળતરા, પેશાબ અટકીને આવવો, પેશાબમાં લોહી નીકળવું જેવી સમસ્યા દૂર થાય છે. તો ચાલો જાણીએ પેશાબ સંબંધિત સમસ્યા દૂર કરવાના ઘરેલુ ઉપાય વિષે.
પેશાબ અટકીને આવતો હોય તો ભોજન સાથે હંમેશા ઘરે જ બનાવેલ છાશ પીવી જોઈએ. આ ઉપરાંત છાશમાં એક નાનો ટુકડો દેશી ગોળનો નાખીને ઘુંટડે ઘુંટડે પીવાની છે. જેથી પેશાબ અટકીને આવે છે તે સમસ્યા માત્ર બે જ દિવસમાં દૂર થઈ જશે. વારે વારે પેશાબમાં બળતરા રહેતી હોય તો રોજે ભોજન સાથે છાશ પીવી જોઈએ.
જયારે પેશાબ અટકીને આવતો હોય અને પેશાબ કરવામાં ખુબ જ બળતરા થતી હોય તો દિવસમાં ત્રણ વખત કાળા તલ અને સફેદ તલની એક એક ચમચી ખાઈ લેવાની છે. જેથી પેશાબની બળતરા પણ દૂર થશે અને પેશાબ અટકીને આવે છે તે સમસ્યા પણ દૂર થઈ જશે.
જેમને પેશાબમાં વારે વારે બળતરાની સમસ્યા થતી હોય તેમને એક વાટકી ગરમ દૂઘમાં એક સાકરનો ટુકડો નાખીને હલાવી લો ત્યાર પછી તેમાં એક ચમચી દેશી ઘી મિક્સ કરીને હલાવીને પી જવાનું છે. આ દૂધનું સેવન રાત્રે સુવાના પહેલા કરવાનું છે. એક દિવસ આ રીતે દૂઘ પીવાથી પેશાબની બળતરા દૂર થાય છે.
પેશાબની બળતરાને દૂર કરવા માટે લીબું ખુબ જ અસરકારક સાબિત થશે. આ માટે એક ગ્લાસ પાણી લઈને તેમાં એક આંખુ લીંબુ નીચોવી દેવાનું છે. ત્યાર પછી તેમાં એક ચપટી સીંધાલું મીઠું નાખીને બરાબર હલાવીને પી જવાનું છે. આ રીતે દિવસમાં બે વખત લીંબુનું પાણી પીવાથી પેશાબમાં થતી બળતરા, પેશાબ અટકીને આવવો જેવી સમસ્યા દૂર થઈ જાય છે.
ગોળ આપણા સ્વાસ્થ્ય માટે ખુબ જ ફાયદાકારક છે. રોજે દેશી ગોળના ટુકડા ભોજન કરવા બેસો ત્યારે ખાઈ લેવાના છે. જેથી પેશાબ અટકીને આવે તે સમસ્યા દૂર થશે, પેશાબમાં લોહી પડવું અને પેશાબમાં બળતરા દૂર થઈ જશે. ગોળનું સેવન કરવાથી લોહી શુદ્ધ થાય છે. સાથે શરીર પણ મજબૂત રહે છે.
પેશાબમાં થતી બળતરા, પેશાબ અટકીને આવવો, પેશાબમાં લોહી પડવું જેવી સમસ્યા કે દૂર કરવા માટે ઉપર જણાવેલ ઘરેલુ ઉપાય કરવાથી ખુબ જ ઝડપથી રાહત મળશે.
