આજના સમયમાં વધતું વજન ઘણા લોકોની મોટી સમસ્યા બની ગઈ છે. વધતું વજન લાંબા સમયે અનેક બીમારીઓનું કારણ પણ બની શકે છે. તેથી બધા લોકો પોતાનું વજન ઘટાડવા માટે જુદા જુદા પ્રયત્નો કરતા હોય છે.
જો તમે વધતા વજનથી પરેશાન છો અને વજનને કંટ્રોલ કરવા માંગો છો તો સૌથી પહેલા તમારા ડાયટ પર ધ્યાન આપવું જરૂરી છે કારણકે વજન ઘટાડવામાં આહાર મહત્વનો ભાગ ભજવે છે.
તેથી જો તમારે વજન ઓછું કરવું હોય તો તમે એવા ખોરાકની પસંદગી કરો જે વજન ઘટાડવામાં કારગર સાબિત થાય. જો તમે વજન ઘટાડવાના ખોરાકનું સેવન કરશો તો તમારું વજન ચોક્કસ ઝડપથી ઘટશે.
તમને જણાવીએ કે પ્રોટીન અને ફાઈબરથી ભરપૂર ખોરાક ઝડપથી વજન ઘટાડવામાં અસરકારક સાબિત થાય છે. ફાઈબરવાળા ખોરાકમાં કેલરી ઓછી હોય છે, જે ખાધા પછી લાંબા સમય સુધી પેટ ભરેલું લાગે છે.
આ ખાદ્યપદાર્થોના સેવનથી લોહીમાં શુગરનું સ્તર પણ સામાન્ય રહે છે. જો તમે પણ વધતા વજનથી પરેશાન છો, તો આ માહિતીમાં અમે તમને ફાઈબર અને પ્રોટીનથી ભરપૂર એવા કેટલાક ખોરાક વિશે જણાવીએ છીએ, જેનાથી તમારું વજન ઝડપથી ઘટશે.
કોળાના બીજ: કોળાના બીજ પોષક તત્વો અને એન્ટીઓક્સીડેન્ટ ગુણોથી ભરપૂર હોય છે જેમાં ચરબીનું પ્રમાણ ઓછું હોય છે. કોળાના બીજ પોષક તત્વોથી ભરપૂર હોય છે. કોળાના બીજ કોલેસ્ટ્રોલ ફ્રી, સોડિયમ ફ્રી અને ફેટ ફ્રી છે. 100 ગ્રામ કાચા કોળામાં માત્ર 26 કેલરી હોય છે, તેથી જ કોળાના બીજનું સેવન ઝડપથી વજન ઘટાડવામાં મદદ કરે છે.
અખરોટ: અખરોટમાં મોનોઅનસેચ્યુરેટેડ ચરબી વધુ હોય છે, જે ખાસ કરીને હૃદયના સ્વાસ્થ્ય માટે ઉત્તમ નાસ્તો છે. એક ઔંસમાં 4 ગ્રામ પ્રોટીન અને 2 ગ્રામ ફાઇબર હોય છે અને તેમાં 200 કરતાં ઓછી કેલરી હોય છે. અખરોટનું સેવન કરવાથી ભૂખ શાંત થાય છે અને લાંબા સમય સુધી પેટ ભરેલું રહે છે.
દહીં: દહીંનું સેવન પણ વજન ઘટાડવા માટે ફાયદાકારક છે. જો તમે પેટની ચરબી ઘટાડવા માંગતા હોવ અને સ્લિમ પેટ મેળવવા માંગતા હોવ તો દહીંનું સેવન કરો. દહીંમાં પ્રોબાયોટીક્સ અને ફાયદાકારક બેક્ટેરિયા વધુ હોય છે, જે પાચન અને આંતરડાના સ્વાસ્થ્યને સુધારવામાં મદદ કરે છે. આ પોષક તત્ત્વોના શોષણમાં સુધારો કરે છે, જે વજનને રોકવામાં મદદ કરે છે.
ચણા: ચણામાં પ્રોટીન અને ફાઈબર ભરપૂર પ્રમાણમાં હોય છે, જે ઝડપથી વજન ઘટાડવામાં મદદરૂપ સાબિત થાય છે. ફાયબર લાંબા સમય સુધી પેટ ભરેલું રાખે છે અને પાચનમાં મદદ કરે છે. આ સાથે સાથે તેમાં રહેલું પ્રોટીન ભૂખને શાંત કરે છે.
જો તમે પણ આ ચાર વસ્તુનું સેવન કરો ચો તો તમારું વજન ધીરે ધીરે ઘટવા લાગશે. આવી જ માહિતી વાંચવા માટે ગુજરાત ફિટનેસ સાથે જોડાયેલા રહો.