વધતી ઉંમરને કારણે ત્વચાની ચમક ઓછી થવા લાગે છે. આ કિસ્સામાં, ચહેરા પર કરચલીઓ દેખાય છે. આજકાલ બદલાતી જીવનશૈલી, સ્ટ્રેસ, ઊંઘની કમી વગેરેને કારણે નાની ઉંમરમાં જ કરચલીઓનો સામનો કરવો પડે છે. આવી સ્થિતિમાં મહિલાઓ અનેક પ્રકારના બ્યુટી પ્રોડક્ટ્સનો ઉપયોગ કરે છે.
જો તમે ઈચ્છો તો કરચલીઓથી છુટકારો મેળવવા માટે ઘરેલું ઉપાય પણ અપનાવી શકો છો. હા, આમળાનો રસ ત્વચાની કરચલીઓ દૂર કરી શકે છે. તો ચાલો જાણીએ, ત્વચાની રેખાઓથી રાહત મેળવવા માટે આમળાના જ્યુસનો ઉપયોગ કઈ રીતે કરવો.
મધ અને આમળાનો રસ : આ માટે એક બાઉલમાં એક ચમચી મધ લો, તેમાં આમળાનો રસ ઉમેરો. આ મિશ્રણને સારી રીતે મિક્સ કરો, હવે તેને ચહેરા પર લગાવો, લગભગ 15 થી 20 મિનિટ પછી પાણીથી ધોઈ લો. તમે આ પ્રક્રિયા અઠવાડિયામાં 2 થી 3 વખત કરી શકો છો.
ઓલિવ તેલ અને આમળાનો રસ : આ મિશ્રણનો ઉપયોગ કરીને તમે ત્વચાની કરચલીઓથી રાહત મેળવી શકો છો. આ માટે એક બાઉલમાં એક ચમચી ઓલિવ ઓઈલ લો, તેમાં આમળાનો રસ ઉમેરો. આ મિશ્રણને અસરગ્રસ્ત વિસ્તાર પર લગાવો, લગભગ 15 થી 20 મિનિટ સુધી પાણીથી ધોઈ લો.
નાળિયેર તેલ અને આમળાનો રસ : એક નાની બાઉલમાં એક ચમચી નારિયેળ તેલ લો, તેમાં એક ચમચી આમળાનો રસ ઉમેરો. આ મિશ્રણથી ચહેરા પર મસાજ કરો, થોડીવાર પછી તેને સ્વચ્છ પાણીથી ધોઈ લો. તમે અઠવાડિયામાં 2 થી 3 વખત આ પેકનો ઉપયોગ કરી શકો છો.
~
કેળાની પેસ્ટ અને આમળાનો રસ : સૌ પ્રથમ કેળાને મેશ કરો, તેમાં એક ચમચી આમળાનો રસ ઉમેરો. આ ફેસ પેકથી ચહેરા પર હળવા હાથે મસાજ કરો, લગભગ 15 થી 20 મિનિટ પછી પાણીથી ધોઈ લો.
જો તમે પણ આમળાના રસનો ઉપયોગ અહીંયા જણાવ્યું તે રીતે કરશો તો તમને ચોક્કસ ફાયદો થશે. આ ઘરેલુ ઉપાય છે જેની અસર તાત્કાલિક તમને ન પણ મળી શકે પરંતુ તેની અસર લાંબા સમસ્યે પણ તમને જોવા ચોક્કસ મળશે.
