ઘણી એવી સમસ્યાઓ છે જે શિયાળામાં વધી જાય છે અને તેનાથી વધુ હેરાન થવું પડે છે. આવી જ એક સમસ્યા છે હાઈ કોલેસ્ટ્રોલ. શિયાળામાં હાઈ કોલેસ્ટ્રોલના દર્દીઓ વધુ ચિંતિત રહે છે. હવામાનમાં વારંવાર થતા ફેરફારોને કારણે લોહીના લિપિડના સ્તરમાં સતત વધઘટ થતી રહે છે.
ખરાબ કોલેસ્ટ્રોલનું સ્તર જેટલું ઊંચું હોય છે, તેટલું હૃદય રોગનું જોખમ વધારે રહે છે. ઘણા સંશોધનો સામે આવ્યા છે જે દર્શાવે છે કે શિયાળામાં હાર્ટ એટેકના વધુ કેસ આવે છે અને તેનું મુખ્ય કારણ ખરાબ કોલેસ્ટ્રોલ લેવલ માનવામાં આવે છે. જો કે, ખાવાની કેટલીક ભૂલો પણ ખરાબ કોલેસ્ટ્રોલ નું સ્તર વધારી શકે છે.
આ આજના આ લેખમાં તમને એવી વસ્તુઓ વિષે જણાવીશું જે વસ્તુઓનું સેવન કરવાથી શરીરમાં કોલેસ્ટ્રોલ વધી શકે છે. આ વસ્તુઓ તમારે ખાવાની ટાળવી જોઈએ. તો આવો જાણીએ આ વસ્તુઓ વિષે.
ઇંડા : એનસીબીઆઈમાં પ્રકાશિત એક રિપોર્ટ અનુસાર હાઈ કોલેસ્ટ્રોલના દર્દીઓએ ઈંડાથી દૂર રહેવું જોઈએ. આ પોષક તત્ત્વોથી ભરપૂર ખોરાકમાં સંતૃપ્ત ચરબી હોય છે અને જો વધુ પડતું ખાવામાં આવે તો તેના નકારાત્મક પરિણામો આવી શકે છે.
ખરાબ કોલેસ્ટ્રોલ ધરાવતા લોકોએ લીવર અને હૃદયના સ્વાસ્થ્યની કાળજી રાખવા માટે ઇંડા ન ખાવા જોઈએ. જો કે, તેને ખાતા પહેલા, તમે ચોક્કસપણે નિષ્ણાતની સલાહ લઈ શકો છો.
~
તળેલા અને મસાલેદાર ખોરાક : મસાલા અને તેલથી બનેલી વસ્તુઓ ખાવામાં ખૂબ જ સ્વાદિષ્ટ લાગે છે પરંતુ દરેક માટે ઝેર સમાન છે. માત્ર હાઈ કોલેસ્ટ્રોલ જ નહીં, સામાન્ય વ્યક્તિએ પણ આવા ખોરાકના સેવનથી દૂર રહેવું જોઈએ.
પબમેડના અહેવાલો અનુસાર, આવા ખાદ્ય પદાર્થોમાં કેલરી સામગ્રી વધુ હોય છે. જે લોકોનું કોલેસ્ટ્રોલ લેવલ પહેલેથી જ ઊંચું છે તેમણે તળેલા અને મસાલેદાર ખોરાક ખાવાનું ટાળવું જોઈએ.
પ્રોસેસ્ડ માંસ : ખોરાકને લાંબા સમય સુધી સંગ્રહિત કરવા માટે તેને અલગ અલગ રીતે તૈયાર કરવામાં આવે છે. નિષ્ણાતોનું કહેવું છે કે તેમાં કોલેસ્ટ્રોલનું પ્રમાણ વધુ હોય છે. તેથી જ તેને ઓછી માત્રામાં ખાવાની સલાહ આપવામાં આવે છે.
માંસાહારી ખોરાકમાં પણ કેલેરી વધુ હોય છે અને તેને મર્યાદામાં ન ખાવાથી કોલેસ્ટ્રોલ તો વધી જતું નથી પરંતુ શરીરમાં ઘણી સ્વાસ્થ્ય સમસ્યાઓ પણ ઊભી થઈ શકે છે.
