વાળ ખરવા અને વાળની બીજી બધી સમસ્યાઓ થવી એ આપણી બિનઆરોગ્યપ્રદ જીવનશૈલી અને આહારમાં પોષણના અભાવને કારણે ઝડપથી વધતી સમસ્યા છે. કેટલાક લોકોમાં, આ સમસ્યા આનુવંશિકતા, હોર્મોનલ ફેરફારો અને તબીબી પરિસ્થિતિઓ, દવાઓની આડઅસર, ખૂબ તણાવ જેવી સમસ્યાઓના કારણે પણ જોવા મળી રહી છે.
થોડા વર્ષો પહેલા સુધી વાળ ખરવા એ ઉંમરની સમસ્યા ગણાતી હતી, જો કે છેલ્લા કેટલાક વર્ષોમાં નાની ઉંમરના લોકો પણ તેનો શિકાર બનતા જોવા મળી રહ્યા છે. સ્વાસ્થ્ય નિષ્ણાતોના મતે વાળનું પોષણ ઓછું થવાને કારણે આ પ્રકારની સમસ્યા વધી છે.
યોગને અનેક પ્રકારની શારીરિક અને માનસિક સમસ્યાઓના ઉકેલ તરીકે જોવામાં આવે છે. યોગ ગુરુ બાબા રામદેવ જણાવે છે કે યોગાસનોને રૂટિનમાં સામેલ કરીને તમે વાળ ખરવાની સમસ્યાને પણ ઘટાડી શકો છો.
યોગાસનોની આદત બનાવીને વાળને યોગ્ય પોષણ આપીને તેમના તૂટવાને રોકી શકાય છે. યોગાસનથી રક્ત પરિભ્રમણ પણ વધે છે, જેનાથી વાળના મૂળની નબળાઈ દૂર થાય છે અને વાળ મૂળમાંથી મજબૂત થાય છે. તો ચાલો જાણીએ એવા યોગાસનો વિશે જે વાળ ખરવાની સમસ્યામાં અસરકારક સાબિત થઈ શકે છે?
કપાલભાતિ: કપાલભાતિ પ્રાણાયામ એ શ્વાસ લેવા માટેના સૌથી પ્રભાવશાળી યોગાસનોમાંનું એક છે. કપાલભાતિ પ્રાણાયામ માથામાંથી ઝેરી તત્વોને દૂર કરવામાં મદદ કરે છે. આ યોગનો અભ્યાસ સમગ્ર માથા અને ચહેરાને વધુ સારી ઓક્સિજનની સપ્લાય સાથે વાળના વિકાસને પ્રોત્સાહન આપે છે.
વાળની સમસ્યાથી પરેશાન લોકો માટે કપાલભાતિ પ્રાણાયામનો અભ્યાસ ખૂબ જ અસરકારક માનવામાં આવે છે. આ ઉપરાંત, તે તણાવ અને ચિંતાને ઘટાડવામાં મદદ કરે છે, જે વાળ ખરતા અટકાવવા માટે જરૂરી છે.
શીર્ષાસન: શીર્ષાસન યોગને સૌથી અસરકારક પ્રેક્ટિસ માનવામાં આવે છે. તે વાળ ખરવા, વાળ પાતળા થવા અને ટાલ પડવી વગેરેમાં પણ મદદ કરે છે. આ આસન નવા વાળના વિકાસમાં મદદ કરવાની સાથે આ આસન વાળની અન્ય સમસ્યાઓને દૂર કરવામાં પણ ફાયદાકારક છે.
આ યોગાસનની આદત મગજની સારી કામગીરી જાળવવામાં પણ મદદ કરે છે. આ યોગ નિષ્ણાતની દેખરેખ હેઠળ કરવો જોઈએ.
જો તમે પણ વાળ ખરવાની સમસ્યાથી પરેશાન થઇ ગયા છો તો તમે પણ અહીંયા જણાવેલ આસન કરીને તમારા વાળની સમસ્યાથી છુટકાળો મેળવી શકો છો.