ડેન્ડ્રફ વાળની સામાન્ય સમસ્યા છે. વાળ ખરવા અને રૂક્ષ થવા પાછળ ડેન્ડ્રફ મોટું કારણ છે. તમે જોતા હશો કે ઘણા લોકોને શિયાળાની સિઝનમાં ડેન્ડ્રફ ની સમસ્યા વધી જાય છે. ઓછા લોકો જાણતા હશે કે ગુસ્સો, સ્ટ્રેસ, ટેન્શન અને ડિપ્રેશનને કારણે ત્વચા અને વાળ બંને પર સીધી અસર પડે છે.
આ સાથે જ જો ભોજનમાં જરૂરી પોષક તત્વો ન મળતાં હોય તો પણ વાળ નબળાં અને વાળની બીજી બધી સમસ્યાઓ થઈ શકે છે. વધુ પડતું તીખું-તળેલું અને આથાવાળું ખાવાની આદતથી પણ ખોડાની સમસ્યા રહે છે. તો ચાલો જાણીએ આ માહિતીમાં માથામાં ફંગલ ઈન્ફેક્શન અને ડેન્ડ્રફને દૂર કરવાના કેટલાક ઘરેલુ અને દેશી ઉપાયો વિષે જે જડમૂળથી ડેન્ડ્રફ અને ખંજવાળને દૂર કરશે.
ઓલિવ ઓઈલ: તમને જણાવીએ કે ડ્રાય સ્કેલ્પને મોઈશ્ચરાઈઝ કરીને ડેન્ડ્રફથી છુટકારો આપે છે. આ માટે રાતે ઓલિવ ઓઈલ ને નવશેકું ગરમ કરી માથામાં મસાજ કરો અને સવારે શેમ્પૂ કરી લો. આ ઉપાય કરવાથી ડેન્ડ્રફ ની સમસ્યા દૂર થઇ જશે.
બેકિંગ સોડા: બેકિંગ સોડાનો ઉપયોગ કરીને પણ ડેન્ડ્રફ ની સમસ્યાથી છુટકાળો મેળવી શકાય છે. બેકિંગ સોડા ડેન્ડ્રફ વધારનાર ફંગસને ખતમ કરી માથાની ડેડ સ્કિનને હટાવે છે. ડેન્ડ્રફ દૂર કરવા માટે શેમ્પૂમાં એક નાની ચમચી બેકિંગ સોડા મિક્સ કરીને શેમ્પૂ કરો.
કડવો લીમડો: કડવા લીમડામાં રહેલાં એન્ટીબેક્ટેરિયલ, એન્ટીફંગલ અને એન્ટીઈન્ફ્લામેટરી ગુણ ડેન્ડ્રફ દૂર કરે છે. પાણીમાં લીમડાના પાન નાખી ઉકાળો. ઠંડું થયા બાદ તેનાથી માથું ધોવું. ઉપાય કરવાથી ચોક્સ ડેન્ડ્રફ થી છુટકાળો મળશે.
મેથી: ડેન્ડ્રફમાં મેથી ખૂબ જ અસરકારક માનવામાં આવે છે. ડેન્ડ્રફની સમસ્યા છે અથવા ડેન્ડ્રફની સમસ્યા રહેતી હોય તેવા લોકોએ મેથીના દાણાનો પાવડર બનાવીને તેમાં દહીં મિક્સ કરી, તેને આખી રાત રહેવા દો. ત્યારબાદ બીજા દિવસે વાળમાં લગાવો અને એક કલાક પછી વાળને હળવા શેમ્પૂથી ધોઈ લો. આ ઉપાયથી ડેન્ડ્રફને દૂર કરવામાં મદદ કરી શકે છે.
છાશ: છાશનો ઉપયોગ તમે દરરોજ કરતા હશો. રાયતા અને અન્ય વાનગીઓ બનાવવામાં છાશનો ઉપયોગ તમે કરતા હશો. પરંતુ શું તમે જાણો છો કે છાશથી ડેન્ડ્રફની સમસ્યા દૂર કરી શકાય છે. હા, છાશથી વાળ ધોવાથી ડેન્ડ્રફથી રાહત મળે છે.
લીંબુ: બધા લોકો જાણતા હશે કે લીંબુને વિટામિન સીનો સારો સ્ત્રોત માનવામાં આવે છે. ડેન્ડ્રફની સમસ્યાને દૂર કરવામાં લીંબુ મદદગાર સાબિત થાય છે. તેલમાં લીંબુ મિક્સ કરીને વાળના મૂળમાં લગાવો અને બીજા દિવસે સવારે વાળને હળવા શેમ્પૂથી ધોઈ લો, તેનાથી વાળમાંથી ડેન્ડ્રફ દૂર થઈ જશે.
આદુ અને તલનું તેલ: આદુનો ઉપાય ખાસ કરીને આદુવાળી ચા બનાવવા માટે કરતા હશો. પરંતુ તમને જણાવીએ કે આદુની એન્ટીઈન્ફ્લામેટરી પ્રોપર્ટી ડેન્ડ્રફ કંટ્રોલ કરી વાળનો ગ્રોથ વધારે છે. થોડું તલનું તેલ લઈ તેમાં અડધી ચમચી આદુનો રસ મિક્સ કરી માથામાં લગાવી મસાજ કરો. અડધા કલાક બાદ શેમ્પૂ કરી લો. ડેન્ડ્રફની સમસ્યા દૂર થઇ જશે.
