એવું માનવામાં આવે છે કે પ્રાચીન સમયની સ્ત્રીઓ ખૂબ જ સુંદર હતી. તે સમયે મહિલાઓ પોતાની સુંદરતા વધારવા માટે કુદરતી વસ્તુઓનો ઉપયોગ કરતી હતી. આજે પણ કેટલીક મહિલાઓ ત્વચાની સંભાળ માટે આ કુદરતી વસ્તુઓનો ઉપયોગ કરે છે.
પરંતુ આજની આધુનિક જીવનશૈલીમાં સ્ત્રીઓ ત્વચાની સંભાળ માટે બજારુ કેમિકલયુક્ત પ્રોડક્ટ્સનો ઉપયોગ કરે છે. આ બજારુ પ્રોડક્ટ્સનો ઉપયોગ કરવાથી ચહેરા પર ગ્લો આવે છે, પરંતુ આ ગ્લો લાંબો સમય ટકી શકતો નથી. પરંતુ જો કુદરતી વસ્તુઓનો ઉપયોગ કરવાથી ચહેરા પર લાંબા સમય સુધી ગ્લો જળવાઈ રહે છે.
આવી સ્થિતિમાં, તમે ચમકતી ત્વચા માટે કુદરતી વસ્તુઓનો ઉપયોગ કરી શકો છો. આ માહિતીમાં તમને જણાવીશું કે પ્રાચીન સમયમાં સ્ત્રીઓ તેમની ચમકતી અને જુવાન ત્વચા માટે કયા પ્રકારના સૌંદર્ય રહસ્યોનો ઉપયોગ કરતી હતી. તો ચાલો જાણીએ.
તુલસી ફેસ માસ્ક: તુલસીનો ઉપયોગ લાંબા સમયથી ઔષધિ તરીકે કરવામાં આવે છે. પ્રાચીન સમયમાં, સ્ત્રીઓ ત્વચાની સંભાળ માટે તુલસી ફેસ માસ્કનો ઉપયોગ કરતી હતી. ચહેરા પરના ખીલ અને ડાઘ દૂર કરવા માટે તુલસીના પાનને પીસીને તેની પેસ્ટ ચહેરા પર લગાવતી હતી.
પહેલાની સ્ત્રીઓ ત્વચાને સુંદર બનાવવા માટે તુલસીના પાનનો રસ દહીંમાં મિક્સ કરીને ચહેરા પર લગાવતી હતી. આનાથી ચહેરા પર ચમક આવી જતી હતી. આથી ગ્લોઈંગ સ્કિન માટે તમે તુલસી ફેસ માસ્કનો પણ ઉપયોગ કરી શકો છો.
તુલસી ફેસ માસ્ક બનાવવા માટે જરૂરી સામગ્રી: 10 થી 12 તુલસીના પાન, 2 ચમચી દહીં, 1 ચમચી એલોવેરા જેલ
તુલસી ફેસ માસ્ક બનાવવાની રીત: તુલસી ફેસ માસ્ક બનાવવા માટે સૌ પ્રથમ તુલસીના પાનને સાફ કરો. ત્યારબાદ આ પાંદડાને પીસીને પેસ્ટ બનાવી લો. હવે તેમાં દહીં અને એલોવેરા જેલ મિક્સ કરીને પેસ્ટ બનાવો અને ચહેરા પર લગાવો. 15 મિનિટ પછી ચોખ્ખા પાણીથી ચહેરો ધોઈ લો.
લીમડાનું તેલ : પ્રાચીન સમયમાં સ્ત્રીઓ ચહેરાની સાથે વાળની પણ ખાસ કાળજી લેતી હતી. સ્ત્રીઓ વાળની સંભાળ માટે લીમડાના તેલનો ઉપયોગ કરતી હતી. આ તેલથી વાળમાં માલિશ કરવાથી ડેન્ડ્રફ ઓછો થાય છે. આ સાથે વાળમાં ચમક જોવા મળે છે. આ તેલનો ઉપયોગ કરવાથી માથાની ચામડીના ઇન્ફેકશનનો કોઈ ખતરો રહેતો નથી .
મધ: પ્રાચીન સમયની સ્ત્રીઓ એટલે આજના આપણા દાદી લોકો ત્વચા સંભાળ માટે મધનો ઉપયોગ કરવાની ભલામણ કરે છે. તમને જણાવી દઈએ કે મધનો ઉપયોગ હજારો વર્ષોથી કરવામાં આવે છે. પ્રાચીન સમયમાં સ્ત્રીઓ ચહેરાના રંગને નિખારવા માટે મધનો ઉપયોગ કરતી હતી.
આનાથી માત્ર ચહેરા પર જ ચમક નથી આવતી પણ ચહેરાની ફાઈન લાઈન્સ પણ આવે છે . તમે ત્વચાની સંભાળ માટે મધનો ઉપયોગ પણ કરી શકો છો. મધ ફેસ માસ્ક: ત્વચાની સંભાળ માટે તમે મધ ફેસ માસ્કનો પણ ઉપયોગ કરી શકો છો. આ ફેસ માસ્કની મદદથી તમે સ્કિન ટેન થવાની સમસ્યાથી છુટકારો મેળવી શકો છો.
મધનો ફેસ માસ્ક બનાવવા માટે જરૂરી સામગ્રી: એક કેળું, એક ચમચી મધ
મધનો ફેસ માસ્ક બનાવવાની રીત: આ ફેસ માસ્ક બનાવવા માટે પહેલા કેળાને મેશ કરો. ત્યારબાદ તેમાં મધ ઉમેરો.
બંને મિશ્રણને સારી રીતે મિક્સ કરીને પેસ્ટ બનાવી લો. આ પેસ્ટને ચહેરા પર લગાવો. 15 મિનિટ પછી ચહેરો ધોઈ લો.
મલાઈ: આજે પણ ઘણી સ્ત્રીઓ ત્વચાની સંભાળ માટે મલાઈનો ઉપયોગ કરે છે. નરમ અને સ્વચ્છ ત્વચા માટે મલાઈ ખૂબ સારી માનવામાં આવે છે. પ્રાચીન સમયમાં, સ્ત્રીઓ નરમ અને ચમકતી ત્વચા માટે મલાઈનો ઉપયોગ કરતી હતી. મલાઈ ત્વચાને મોઇશ્ચરાઇઝ કરવાનું કામ કરે છે. ગ્લોઈંગ સ્કિન માટે તમે મલાઈનો પણ ઉપયોગ કરી શકો છો.
મલાઈનો ઉપયોગ કેવી રીતે કરવો: ચહેરાની સંભાળ માટે, મલાઈને સરળ રીતે લગાવો. આ માટે પહેલા ફ્રેશ મલાઈ લો, પછી તેને ચહેરા પર લગાવો અને હળવા હાથે મસાજ કરો. તમે મલાઈની સાથે મધનો પણ ઉપયોગ કરી શકો છો. તેનાથી ચહેરા પરના ડાઘ-ધબ્બા ઓછા થઈ જશે. સ્કિન કેર માટે તમે અહીંયા જણાવેલી ટિપ્સ ફોલો કરી શકો છો.