દૉસ્તો ઉમર વધવી એ કુદરતી અને ચાલતી પ્રક્રિયા છે જેને કોઈ રોકી શકતું નથી. વધતી ઉમરને અટકાવી ન શકાય પરંતુ વધતી ઉંમરની જે અસર શરીર અને ત્વચા પર નાની ઉંમરે દેખાય છે તેને ચોક્કસથી અટકાવી શકાય છે.
તમને જણાવીએ કે આયુર્વેદમાં જણાવાયું છે કે વ્યક્તિની કેટલીક ખોટી આદતો જ તેને ઉંમર પહેલાં વૃધ્ધ બનાવે છે. આ આદતોને કારણે શરીરમાં બીમારી તો પ્રવેશે જ છે સાથે સાથે જ નાની ઉંમરમાં ત્વચા ઉપર વૃદ્ધત્વ દેખાવા લાગે છે.
આજે તમને એવી જ કેટલીક આદતો વિશે જણાવવા જઈ રહ્યા છીએ જેના કારણે શરીરમાં બીમારીઓ આવે છે અને ત્વચા ઉપર વૃદ્ધત્વ દેખાવા લાગે છે. જો તમે આ આદતોને આજથી છોડી દેશો તો તમે વધતી ઉંમર પછી પણ યુવાન દેખાશો.
તમારી આસપાસ પણ ઉમર પહેલા જ કોઈ વ્યક્તિ વૃદ્ધ દેખાવા લાગે છે તો સમજી લેવું કે આ સ્થિતિ તેની ખોટી આદતોને કારણે થઇ છે. જો આ આદતોને તે વ્યક્તિ સમયસર બદલી દે તો તે તેની યુવાનીને પણ ટકાવી શકે છે. તો આવો જાણીએ આવી જ આદતો વિશે.
ઘણા લોકોને વધારે પડતું ગળ્યું ખાવાની ટેવ હોય છે. નિયમિત રીતે ગળ્યું વધારે ખાવાથી શરીરમાં વહેલા બીમારી આવી જાય છે અને ત્વચા ઉપર તેની અસર દેખાવા લાગે છે. વધારે ગળ્યું ખાવાથી સુગર લેવલ સતત વધારે રહે છે. તેના કારણે ડાયાબિટીસ જેવી ગંભીર બીમારીનું જોખમ વધી જાય છે.
કેટલાક લોકો કામમાં વ્યસ્તતાના કારણે કે શરીર પ્રત્યે ઓછી કાળજીના કારણે દિવસ દરમિયાન ખૂબ જ ઓછા પ્રમાણમાં પાણી પીવે છે. ઓછું પાણી પીવું એ પણ ખરાબ આદત કહી શકાય છે. ઓછું પાણી પીવાથી શરીર માં નાની નાની ઘણી બધી બીમારીઓ પણ આવે છે.
તમને જણાવીએ કે પાણી આપણા શરીરમાં ખૂબ જ મહત્વનો ભાગ ભજવે છે. જો શરીરમાં પાણીનું પ્રમાણ ઓછું હોય અથવા શરીરને જરૂરી પાણી ન મળે તો ત્વચા સુકાવા લાગે છે જેના કારણે શરીરમાં અનેક પ્રકારની સમસ્યાઓ થાય છે. તેથી દિવસ દરમિયાન પૂરતા પ્રમાણમાં એટલે કે 10 થી 12 ગ્લાસ પાણી પીવું જોઈએ.
આજકાલ મોટાભાગના લોકોની દિનચર્યા બેઠાડુ થઇ ગઇ છે. બેઠાડું જીવનશૈલીના કારણે શરીર ના અંગ જકડાઈ જાય છે. જે લોકો કોઈપણ પ્રકારની ફિઝિકલ એક્ટિવિટી નથી કરતા અને આખો દિવસ ખુરશીમાં બેસી રહે છે અથવા કોમ્પ્યુટર પર બેસીને કામ કરે છે તેમને અનેક પ્રકારની સમસ્યાઓ થવા લાગે છે. ધીરે-ધીરે તેમની કાર્યક્ષમતા ઘટી જાય છે અને સ્નાયુ પણ નબળા પડતા જાય છે.
પૂરતી ઊંઘ લેવી પણ શરીરના સારા સ્વાસ્થ્ય માટે જરૂરી છે. પરંતુ આજના સમયમાં લોકો રાત્રે મોડે સુધી ટીવી જોયા કરે છે અથવા તો મોબાઈલ ઉપર સમય પસાર કરે છે અને સવારે વહેલા જાગી જાય છે જેના કારણે 8 થી 9 કલાકની ઊંઘ પૂરતી થતી નથી અને તેની અસર શરીર ઉપર દેખાવા લાગે છે. આ આદતોને કારણે વ્યક્તિ ઉંમર પહેલાં જ વૃદ્ધ દેખાવા લાગે છે.
