ચહેરા પર ફળોને લગાવવાથી ઉત્તમ લાભ મળી શકે છે. કેટલાક લોકો ઘરે પપૈયા, નારંગી, તરબૂચથી ચહેરો સાફ કરે છે. ફળોની પેસ્ટ ઊંડા સફાઈમાં મદદ કરી શકે છે. તમે કેળાનો ઉપયોગ ડાર્ક સ્પોટ્સ, ડાઘ-ધબ્બા ઘટાડવા અને ત્વચાની રચના સુધારવા માટે કરી શકો છો.
કેળા વિટામિન્સ અને ખનિજોનો સારો સ્ત્રોત છે જે ખરબચડી ત્વચાને સરળ બનાવી શકે છે અને ચહેરાના સોજાને ઘટાડી શકે છે. તમે તેનો ઉપયોગ કેવી રીતે કરી શકો છો તે વિષે આ લેખમાં અમે તમને જણાવીશું.
ચહેરો કેવી રીતે સાફ કરવો : ચહેરાને સાફ કરવા માટે તમે કેળાથી સ્ક્રબ બનાવી શકો છો. આ માટે કેળાને મેશ કરો અને પછી તેમાં ખાંડ અને મધ ઉમેરો. તેને સારી રીતે મિક્સ કરો અને પછી ચહેરા પર લગાવો. તેને થોડી વાર રહેવા દો અને પછી સાફ કરો.
આ પેક અઠવાડિયામાં લગભગ 2 કે 3 વાર લગાવી શકાય છે. જો તમારી ત્વચા શુષ્ક છે, તો આ પેક લગાવ્યા પછી ચહેરા પર ભેજ દેખાશે.
આ રીતે ડાઘ દૂર કરો : તેને બનાવવા માટે કેળાને મેશ કરો અને પછી તેમાં મધ અને લીંબુનો રસ ઉમેરો. તેને સારી રીતે મિક્સ કર્યા બાદ તેને ચહેરા અને ગરદન પર સારી રીતે લગાવો. કેળા ડાર્ક સ્પોટ્સને હળવા કરવામાં અને સ્કિન ટોનને સાફ કરવામાં મદદ કરે છે.
મધ ત્વચાને શાંત કરે છે. બીજી તરફ, લીંબુમાં વિટામિન સી ભરપૂર માત્રામાં હોય છે, જે ત્વચાને ચમકદાર બનાવે છે અને ડાર્ક સ્પોટ્સને હળવા કરે છે.
ગ્લોઈંગ સ્કિન : આ માટે કેળામાં કાચું દૂધ, મધ અને ગુલાબજળના થોડા ટીપાં મિક્સ કરીને સ્મૂધ પેસ્ટ બનાવો.તેને તમારા ચહેરા પર 15 મિનિટ માટે રહેવા દો અને તેને ધોઈ લો.અઠવાડિયામાં એક કે બે વાર આ માસ્ક લગાવો. કેળામાં પોટેશિયમ અને વિટામિન E અને વિટામિન C હોય છે, જે સ્વસ્થ ત્વચા માટે શ્રેષ્ઠ છે. દૂધ ત્વચાને હળવું એક્સ્ફોલિયેશન આપે છે અને ગુલાબજળ ત્વચાને ચમકદાર બનાવે છે.
જો તમે પણ કેળાનો અહીંયા જણાવ્યા પ્રમાણે ઉપયોગ કરશો તો તમને ચોક્કસ ફાયદો થશે. જો તમને આ લેખ પસંદ આવ્યો હોય તો તમારા દરેક મિત્રોને જરૂરથી જણાવો. ધન્યવાદ
