સ્કિન સંબંધિત ઘણી સમસ્યાઓ આપણા ચહેરાની સુંદરતા છીનવી લે છે. આ દિવસોમાં દરેક વ્યક્તિ ધૂળ અને પ્રદૂષણને કારણે ત્વચાની વિવિધ સમસ્યાઓથી પરેશાન છે. આવી સ્થિતિમાં લોકો પોતાના ચહેરાની સુંદરતા પાછી મેળવવા માટે અનેક પ્રકારના બ્યુટી પ્રોડક્ટ્સનો ઉપયોગ કરે છે. પરંતુ આ કેમિકલયુક્ત ઉત્પાદનો ક્યારેક ઇચ્છિત પરિણામ આપતા નથી.
જો તમે કુદરતી રીતે તમારા ચહેરાની ચમક પાછી મેળવવા માંગતા હોવ તો તેના માટે ફટકડી અને ગુલાબજળ ખૂબ જ ફાયદાકારક સાબિત થશે. એન્ટિબાયોટિક, એન્ટિબેક્ટેરિયલ, એન્ટિફંગલ, એન્ટિઓક્સિડન્ટ ગુણો તેમજ એન્ટિ-ટ્રિકોમોનાસ, એસ્ટ્રિજન્ટ અને એન્ટિ-ઇન્ફ્લેમેટરી ગુણોથી ભરપૂર ફટકડી ત્વચા માટે અત્યંત ફાયદાકારક છે. તો આવો જાણીએ ફટકડી અને ગુલાબજળ ચહેરા પર લગાવવાથી થતા ફાયદાઓ વિશે.
અનિચ્છનીય વાળથી છુટકારો મેળવો : ઘણા લોકો ચહેરા પર અનિચ્છનીય વાળની સમસ્યાથી પરેશાન છે. શરીરમાં હોર્મોન્સમાં ગરબડ થવાને કારણે વારંવાર હોઠ, ગાલ અને કપાળની આસપાસ અનિચ્છનીય વાળ આવવા લાગે છે. આવી સ્થિતિમાં અનિચ્છનીય વાળથી છુટકારો મેળવવા માટે ફટકડી અને ગુલાબજળનો ઉપયોગ ફાયદાકારક રહેશે.
ત્વચા ને ટાઈટ કરે : ફટકડી અને ગુલાબજળને ચહેરા પર લગાવવાથી તમારા ચહેરાની ત્વચા ચુસ્ત બની જાય છે. આ સાથે ચહેરાના રોમછિદ્ર પણ તેના ઉપયોગથી નાના થાય છે. જેના કારણે ચહેરાની કરચલીઓ અને ફાઈન લાઈન્સની સમસ્યા પણ દૂર થઈ જાય છે.
નેચરલ સ્ક્રબની જેમ કાર્ય કરે : જો તમે તમારા ચહેરા પર હાજર મૃત ત્વચાના કોષોને ઘટાડવા માંગો છો, તો તેના માટે પણ તમે ફટકડી અને ગુલાબજળના મિશ્રણનો ઉપયોગ કરી શકો છો. આ મિશ્રણ કુદરતી સ્ક્રબનું કામ કરે છે, જેની મદદથી છિદ્રોમાં રહેલી ગંદકી સાફ થાય છે અને ત્વચાને ઊંડે સુધી સાફ કરવામાં આવે છે.
ખીલની સમસ્યામાં ફાયદાકારક છે : જો તમે ખીલ અને ડાઘની સમસ્યાથી પરેશાન છો તો તેના માટે પણ ફટકડી અને ગુલાબજળ ખૂબ જ ફાયદાકારક સાબિત થશે. આ મિશ્રણની મદદથી, ત્વચામાં હાજર વધારાનું તેલ અને ગંદકી સાફ થાય છે, જે ખીલનું કારણ બને છે.
ત્વચામાં ચમક આવે છે : સનબર્ન, પિગમેન્ટેશન અને ફોલ્લીઓ જેવી સમસ્યાઓ દૂર કરવા માટે તમે ફટકડી અને ગુલાબજળનો પણ ઉપયોગ કરી શકો છો. બંનેનું મિશ્રણ તમારી ત્વચાનો રંગ તો સુધારે જ છે, પરંતુ તેનો ઉપયોગ ત્વચાને નરમ અને ચમકદાર પણ બનાવે છે.
તો અહીંયા તમને ફટકડી અને ગુલાબજળના ફાયદાઓ વિષે જણાવ્યું. જો તમને ત્વચાની કોઈ સમસ્યા હોય તો એકવાર પેચ ટેસ્ટ કરીને જોવો.
