ઉનાળાની શરૂઆત થઇ ગઈ છે. ઉનાળામાં ગરમીથી રક્ષણ મેળવવા માટે જુદા જુદા ઠંડા પીણાં પીવામાં આવે છે. ઉનાળામાં કાકડીનું પાણી પીવું શરીર માટે ઘણું ફાયદાકારક માનવામાં આવે છે. ઉનાળામાં એક ગ્લાસ ઠંડા કાકડીનું પાણી પીવું એ ખૂબ જ રિફ્રેશિંગ છે.
આ પાણી પીવાથી આપણા શરીરની અંદર ડિટોક્સીફિકેશન ની અંદર પણ મદદ કરે છે અને બધા જ ટોક્સિક ને બહાર કાઢવાનું કામ પણ કરે છે. કાકડીના ટુકડા કરી અને તેને દરરોજ પાણીની અંદર નાખી દેવાથી કાકડીમાં રહેલા બધા ગુણધર્મો મળે છે. કાકડી ઉપયોગ કોઈપણ ડ્રિન્ક ને વધુ સ્વાદિષ્ટ બનાવવા માટે કરી શકાય છે.
આ પાણી તમને હાઇડ્રેટેડ રાખવામાં પણ ખૂબ જ મદદરૂપ સાબિત થાય છે કાકડી ની અંદર ઘણા બધા પોષકતત્વો રહેલા છે જેવા કે વિટામિન સી, મેંગેનીઝ, વિટામિન એ, મોલિબેડનમ, અને કેટલાક એન્ટિઓક્સિડન્ટ્સ થી ભરપૂર હોય છે. તો ચાલો જાણીએ કાકડીના પાણીના કેટલાક સ્વાસ્થ્ય લાભો વિષે.
વજન ઉતારવામાં મદદ કરે છે: વજન વધુ હોવું એ તમારા શરીર માટે ગંભીર સમસ્યા છે. વજન વધુ હોવાથી શરીરમાં ઘણીં બધી સમસ્યાઓ થવા લાગે છે. તમારું પણ વજન વધુ છે તો તમે વજન ઘટાડવા માટે કાકડીના પાણીનો ઉપયોગ તમારા ડાયટ ની અંદર કરી શકો છો. કાકડીના પાણીની અંદર ઓછી કેલેરી અને વધુ ફાઈબર હોય છે જે તમારું વજન ઘટાડવા ફાયદાકારક સાબિત થાય છે. આ પાણી પીવાથી શરીરમાં ભૂખ પણ ઝડપથી લાગતી નથી.
કેન્સર થી દૂર રાખે : આજના સમયમાં કેન્સર એક ખુબજ ગંભીર સમસ્યા છે, જેમાં ઘણા લોકો મૃત્યુ પણ પામે છે. કાકડીમાં એન્ટીઑકિસડન્ટ્સ સિવાય, ક્યુક્યુબિટિસીન્સ અને લિનગાન્સ કહેવાતા પોષક તત્વોનો સમૂહ છે, જે કેન્સરને રોકવામાં મુખ્ય ભૂમિકા ભજવે છે. આથી કાકડીના પાણીનું સેવન કરવાથી તમે કેન્સર જેવી ગંભીર બીમારીથી દૂર રહી શકો છો.
બ્લડ પ્રેશર ઘટાડે: ઘણા લોકોમાં બ્લડ પ્રેશર હાઈ રહેતું હોય છે અને તેને કંટ્રોલ માં કરવા માટે ઘણા બધા ઉપયોગ કરતા હોય છે.પરંતુ જો તમે કાકડીનું પાણી પીવો તો તમારું બ્લડ પ્રેશર ઓછું થઈ શકે છે અને કંટ્રોલમાં આવી શકે છે કારણકે કાકડીમાં પોટેશ્યમ એ ઇલેક્ટ્રોલાઇટ છે જે કિડની દ્વારા જાળવવામાં આવેલ સોડિયમની માત્રાને નિયંત્રિત કરવામાં મદદ કરે છે.
શરીરને હાઇડ્રેટેડ રાખે: શરીર સારી રીતે કામ કરે તે પાણી શરીરમાં પાણી હોવું ખુબજ જરૂરી છે. તમને ઘણા લોકો સલાહ આપતા હોય છે કે દરરોજ 8 થી 9 ગ્લાસ પાણી પીવું જરૂરી છે. આથી જો તમે કાકડીને તમારા પાણીની અંદર ઉમેરીને પીવો છો તો તે તમારા શરીરમાં પાણીમાં સ્વાદ સાથે તે તમારી સ્કિન અને તમારા શરીરને હાઈડ્રેટ રાખવામાં પણ મદદ કરે છે.
હાડકાને મજબૂત કરે: હાડકા નબળા હોવાથી ઘણી બધી સમસ્યાઓ થાય છે. કાકડી ની અંદર સારા પ્રમાણમાં વિટામિન કે હોય છે અને એની જરૂર આપણા શરીરની અંદર પ્રોટીન અને આપણા હાડકાને સ્વાસ્થ્યને મજબૂત અને તેના ટિશ્યુઝ ને હેલ્ધી રાખવા માટે જરૂરી હોય છે. આથી હાડકાના સ્વાસ્થ્ય માટે કાકડીના પાણીનું સેવન કરવું ફાયદાકારક છે.
સ્વસ્થ સ્કિન માટે: દરરોજ કાકડીનું પાણી પીવું એ તમારી સ્કિન માટે ખૂબ જ ફાયદાકારક સાબિત થઇ શકે છે કારણકે કાકડીની અંદર સારા પ્રમાણમાં વિટામીન બી5 હોય છે. આથી તમારી સ્કિનને અંદર અને બહાર બંને જગ્યાઓ પરથી ખૂબ જ હેલ્ધી બનાવવા માટે દરરોજ કાકડીના પાણીનું સેવન કરવું જોઈએ.
હવે જાણીએ કાકડીનું પાણી બનાવવાની રીત: સામગ્રી: કાકડી, 1 ગ્લાસ પાણી, 1 લીંબુ, 1 સ્વાદ મુજબ સંચળ. કાકડીનું પાણી બનાવવાની: સૌથી પહેલા કાકડીને પાણીથી ધોઈ લો. ત્યારબાદ તેની છાલ કાઢીને તેના પાતળા ટુકડા કરી લો. આ સ્લાઇસેસને બરણી અથવા પાણીની કાચની બોટલમાં મૂકો અને તેમાં મીઠું અને પાણી ઉમેરી સરખી રીતે મિક્સ કરો.
તેને આખી રાત રેફ્રિજરેટર થવા માટે રહેવા દો. તમારે જેટલા પાણી પીવાની જરૂર હોય તે પી અને તેને ફરીથી રેફ્રિજરેટર ની અંદર મૂકી દો. જો તમે વધુ પાણી બનાવો છો તો તેને ત્રણ દિવસની અંદર પી જવું.
