દાંતનો દુખાવો એ એક સામાન્ય સમસ્યા છે પરંતુ તે ક્યારેક ગંભીર સ્વરૂપ ધારણ કરી લે છે. કેટલીકવાર લોકોને દાંતમાં અસહ્ય દુખાવો થાય છે, જેના કારણે ચહેરા પર સોજો આવે છે, બોલવામાં તકલીફ થાય છે અને ખાવા-પીવામાં તકલીફ થાય છે. આ સ્વાસ્થ્ય સમસ્યા કોઈપણ ઉંમરની વ્યક્તિને થઈ શકે છે.
હેલ્થ એક્સપર્ટના મત અનુસાર ખૂબ ગરમ કે ઠંડુ ખાવાથી, દાંતને યોગ્ય રીતે સાફ ન કરવાને કારણે, કેલ્શિયમની ઉણપ, ઈન્ફેક્શન અને દાંતના મૂળ નબળા પડવાને કારણે લોકોને દાંતમાં દુખાવો થવા લાગે છે. આ સિવાય ડહાપણના દાંત ફૂટવા પર પણ દાંતમાં દુખાવો થાય છે.
સામાન્ય રીતે તમે જોયું જ હશે કે જે લોકોને દાંતમાં દુખાવો રહે છે, તેમની સમસ્યા સાંજ પડતાં જ વધવા લાગે છે. રાત્રિના સમયે, દાંતનો દુખાવો મર્યાદા કરતા વધુ વધવા લાગે છે. સ્વાસ્થ્ય વિશેષજ્ઞોનું માનવું છે કે ઊંઘની મુદ્રા અને રાત્રિના ભોજનના પ્રભાવને કારણે આ સમયે દાંતમાં વધુ સમસ્યા થઈ શકે છે. આવી સ્થિતિમાં, ચાલો જાણીએ કે કયા ઘરેલુ ઉપચારથી આ સમસ્યાથી છુટકારો મળી શકે છે.
લવિંગઃ લવિંગ દાંતના દુખાવાની સમસ્યાથી છુટકારો મેળવવા માટે સૌથી અસરકારક ઉપાયોમાંથી એક છે. રસોડાના આ મસાલામાં યુજેનોલ નામનું સંયોજન હોય છે, જેને કુદરતી એનેસ્થેટિક કહેવામાં આવે છે. તેની અસરથી ચેતા સુન્ન થઈ જાય છે જેનાથી દુખાવો ઓછો થાય છે. આ માટે લવિંગને દાંતની નીચે રાખો અથવા અસરગ્રસ્ત જગ્યા પર લવિંગનું તેલ લગાવો.
કાચી ડુંગળી: કાચી ડુંગળીમાં બળતરા વિરોધી, એન્ટિ-એલર્જિક, એન્ટિ-ઓક્સિડન્ટ અને એન્ટિ-કાર્સિનોજેનિક ગુણધર્મો હોય છે. સ્વાસ્થ્ય નિષ્ણાતોના મતે, દરરોજ કાચી ડુંગળી ચાવવાથી મોંમાં રહેલા બેક્ટેરિયા મરી જાય છે. આવી સ્થિતિમાં દાંતના દુખાવાથી પીડિત લોકોએ ડુંગળીના ટુકડાને ધીમે-ધીમે ચાવવા જોઈએ.
હળદરઃ નિષ્ણાતોના મતે હળદરમાં ભરપૂર માત્રામાં એન્ટિબાયોટિક ગુણ હોય છે, જે દાંતના દુઃખાવાની સમસ્યાને ઓછી કરવામાં મદદરૂપ છે. આવી સ્થિતિમાં જો રાત્રે દાંતમાં અસહ્ય દુખાવો થતો હોય તો હળદર, મીઠું અને સરસવનું તેલ મિક્સ કરીને પેસ્ટ બનાવો. પછી તેને દુખાવાની જગ્યા પર લગાવો.
લસણઃ દાંતના દુખાવાથી છુટકારો મેળવવામાં પણ લસણ ફાયદાકારક છે. એક અભ્યાસ અનુસાર, લસણમાં એલિસિન નામનું તત્વ હોય છે જે એન્ટિ-વાયરલ અને એન્ટિ-માઇક્રોબાયલ ગુણોથી ભરપૂર હોય છે. હેલ્થ એક્સપર્ટના મતે તેના સેવનથી દાંતમાં દુખાવો કરનારા બેક્ટેરિયાનો નાશ થાય છે.
જો તમે પણ દાંતના દુખાવાની સમસ્યાથી પરેશાન થઇ ગયા છો તો તમે અહીંયા જણાવવામાં આવેલા ઉપયો અજમાવી શકો છો અને રાહત મેળવી શકો છો