જો તમે 40 વર્ષની ઉંમરે પણ 30 વર્ષના જુવાન દેખાવા ઈચ્છો છો, તો સૌથી પહેલા તમારા આહાર પર ધ્યાન આપો, કારણકે તમે જે ખાઓ છો તેની સીધી અસર ન માત્ર તમારા સ્વાસ્થ્ય પર પડે છે પરંતુ તમારી ત્વચા પર પણ પડે છે. વધુ પડતા તળેલા, મસાલેદાર, તીખા અને જંક ફૂડના સેવનથી નાની ઉંમરમાં જ ત્વચા પર ઘડપણના ચિન્હો દેખાવા લાગે છે.
તેથી જેમ જેમ તમારી ઉંમર વધતી જાય તેમ તેમ તમારા આહારમાં લીલા શાકભાજી, આખા અનાજ, સ્પ્રાઉટ્સ અને ડેરી ઉત્પાદનો તેમજ ડ્રાય ફ્રુટ્સનું પ્રમાણ વધારો. અમે આ લેખમાં તમને એવા કેટલાક ડ્રાય ફ્રુટ્સ વિષે જણાવીશું જે તમને ઘડપણમાં પણ જુવાન દેખાવવા માટે ફાયદાકારક સાબિત થાય છે. તો છાલો જાણીએ.
બદામ : બદામ વિટામિન ઈ નો ઉત્તમ સ્ત્રોત છે. જે ત્વચાને હાનિકારક યુવી કિરણોથી બચાવવાનું કામ કરે છે, ત્વચાની ભેજ જાળવી રાખે છે અને ત્વચાના ટિશ્યુને રિપેર કરવાનું પણ કામ કરે છે. બદામ સ્વસ્થ અને ચમકદાર ત્વચા યુવાન અને સુંદર દેખાવામાં મોટી ભૂમિકા ભજવે છે.
કાજુ : કાજુ રંગે સફેદ હોય છે જેમાં ભરપૂર માત્રામાં પ્રોટીન અને વિટામિન ઈ હોય છે. આ બંને પોષણ ત્વચા પર વૃદ્ધત્વની અસરોને ઘટાડે છે અને ત્વચાને કુદરતી રીતે ચમકદાર રાખવામાં મદદ કરે છે. તેથી દરરોજ અથવા અઠવાડિયામાં બે થી ત્રણ વાર કાજુનું પણ સેવન કરો પરંતુ મર્યાદિત માત્રામાં કરો જેથી તેની કોઈ આડઅસર ન થાય.
અખરોટ : અખરોટમાં વિટામિન-ઇ અને ઓમેગા-3 ફેટી એસિડ સારી માત્રામાં હોય છે, જે ત્વચાને નરમ બનાવે છે અને રંગને સુધારવામાં પણ મદદ કરે છે. આ ઉપરાંત અખરોટમાં હાજર એન્ટી-ઓક્સિડન્ટ્સ ફ્રી રેડિકલની અસરને ખતમ કરીને વૃદ્ધત્વની પ્રક્રિયાને ધીમી કરવાનું કામ કરે છે.
પિસ્તા : પિસ્તામાં વિટામીન ઈ અને અન્ય એન્ટીઓક્સીડેન્ટથી ભરપૂર હોય છે, જે શરીરમાંથી મુક્ત રેડિકલને દૂર કરવામાં અને ત્વચાને નરમ અને ચમકદાર બનાવવામાં મદદરૂપ થાય છે. આ સાથે પિસ્તામાં વિટામિન E હોય છે, જે ત્વચાને સ્વસ્થ રાખવાનું કામ કરે છે, જેના કારણે ઉંમરની અસર જાણી શકાતી નથી.
બેરી : ખાટાં ફળો અને બેરી ત્વચાને લાંબો સમય સુધી સ્વસ્થ અને જુવાન રાખવા માટે ખુબજ ફાયદાકારક છે. તમને જણાવીએ કે સાઇટ્રસ ફળો શરીરને વિટામિન C પૂરું પડે છે અને બેરી શરીરમાં કોલેજનનું પ્રમાણ વધારવામાં મદદ કરે છે. તમને જણાવીએ કે કોલેજન ત્વચાને કોમળ અને જુવાન રાખવામાં મદદ કરે છે. આ સાથે જ બેરીમાં હાજર એન્ટિઓક્સિડન્ટ્સ વૃદ્ધત્વના સંકેતોને ઘટાડે છે.
ટામેટાં : જો કે મોટાભાગના લોકો ટામેટાનો ઉપયોગ શાકભાજીમાં શાક બનાવવા કરે છે. પરંતુ તમને જણાવીએ કે ટામેટા સ્વસ્થ અને સુંદર ત્વચા મેળવવા માટે પણ ખૂબ જ સારો વિકલ્પ છે. જો તમે દરરોજ એક ટામેટું ખાશો તો શરીરને વિટામિન A , વિટામિન C અને પોટેશિયમ સારી માત્રામાં મળશે. ગ્લોઈંગ અને ચમકદાર ત્વચા માટે ડાયટમાં ટામેટાંને અવશ્ય સામેલ કરો.
દહીં અને ઓટમીલ : તમારે તમારા આહારમાં વિટામિન બીથી ભરપૂર દહીં અને ઓટ્સ જેવી વસ્તુઓ પણ સામેલ કરવી જોઈએ. દહીં અને ઓટ્સ જેવી વસ્તુઓ આપણી ત્વચાને હાઇડ્રેઇટ રાખવા માટે માટે વિટામિન બી ખૂબ જ જરૂરી છે. આ માટે આપને દરરોજ બપોરે દહીનું સેવન કરવું જોઇએ.
નોંધ : કોઈ પણ માણસ ઉંમર સાથે ઘરડું દેખાય છે પરંતુ અહીંયા જણાવવામાં આવેલી વસ્તુઓ નું સેવન કરવાથી તમે લાંબા સમય સુધી જુવાન દેખાઈ શકો છો.