આપણા શરીરને સ્વસ્થ, હેલ્ધી અને ફિટ રાખવા માટે જરૂરી પોષક તત્વોનું સેવન કરવું ખુબ જ જરૂરી છે. આ ઉપરાંત આપણા સ્વાસ્થ્ય માટે ઓમેગા-3 ફેટી એસિડથી ભરપૂર આહારનો સમાવેશ કરવો પણ ખુબ જ જરીરી છે. ઓમેગા-3 ફેટી એસિડ આપણા મગજના સ્વાસ્થ્ય માટે પણ ખુબ જ આવશ્યક છે.
માટે આપણે દરેક વ્યક્તિએ ઓમેગા-3 ફેટી એસિડ યુક્ત હારનું સેવન કરવું જોઈએ. ઓમેગા-3 ફેટી એસિડનું સેવન કરવાથી હદય રોગનું જોખમ પણ ઘટાડવામાં મદદરૂપ સાબિત થઈ શકે છે. આરોગ્ય નિષ્ણાત અનુસાર નાના મોટા દરેક વ્યક્તિએ આહાર પર ઘ્યાન આપવું ખુબ જ જરૂરી છે.
આપણા જ રસોડામાં એવી કેટલીક વસ્તુ મળી આવતી હોય છે જેનું સેવન કરવાથી શરીરમાં પોષક તત્વોની ઉણપને દૂર કરી શકાય છે. માટે આજે અમે તમને ઓમેગા-3 કઈ વસ્તુમાંથી મળી રહેશે જે હદયને સ્વસ્થ રાખવામાં મદદ કરે તેના વિશે જણાવીશું.
અખરોટ: અખરોટ એક સૂકો મેવો છે. અખરોટમાં વિટામિન, પ્રોટીન, ઓમેગા-3 ફેટી એસિડ જેવા પોષક તત્વો ભરપૂર માત્રામાં મળી આવે છે. અખરોટનું સેવન કરવાથી મગજની કાર્ય ક્ષમતામાં વઘારો થઈ શકે છે. જો અખરોટનું નિયમિત સેવન કરવામાં આવે તો બલ્ડપ્રેશર ને કંટ્રોલમાં લાવવામાં મદદ કરે છે.
આ ઉપરાંત હૃદયને સ્વસ્થ રાખે છે. અખરોટને રાત્રે પાણીમાં પલાળીને સવારે સેવન કરવાથી વજનમાં ઘટાડો કરી શકાય છે. અખરોટનું સેવન કરવાથી શરીરમાં ઓમેગા-3 ફેટી એસિડની કમી પણ દૂર થઈ જાય છે.
રાજમા: દૈનિક આહારમાં રાજમાનો સમાવેશ કરીને ઓમેગા-3 ફેટી એસિડની ઉણપ દૂર કરે છે. રાજમામાં ઓમેગા-3 ફેટી એસિડ મળી આવે છે. આ ઉપરાંત તેમાં પ્રોટીન, આયર્ન, ફાયબર, ફોલેટનો સ્ત્રોત પણ મળી આવે છે. જે હદયને સ્વસ્થ રાખવામાં મદદ કરે છે. મહિલાઓ માટે રાજમાનું સેવન ખુબ જ ફાયદાકારક છે. કારણકે તેનું સેવન કરવાથી લોહીમાં વૃદ્ધિ થાય છે.
અળસી: અળસીમાં સારી માત્રામાં ઓમેગા-3 ફેટી એસિડ મળી આવે છે. અળસીનું સેવન આપણા સ્વાસ્થ્ય માટે ફાયદાકારક છે. અળસીમાં ઓમેગા-3 ફેટી એસિડ ઉપરાંત ફાયબર, મેગ્નેશિયમ, વિટામિન-એ, મેંગેનીઝ જેવા તત્વો મળી આવે છે. જમ્યા પછી અળસીનું દરરોજ એક ચમચી સેવન કરીને વજન પણ ઘટાડી શકાય છે.
ચિયા સીડ્સ: ચિયા સીડ્સમાં ઓમેગા-3 ફેટી એસિડ, ફાયબર, પ્રોટીન જેવા મહત્વ પૂર્ણ તત્વો મળી આવે છે. ચિયા સીડ્સનું સેવન કરવાથી વજન કંટ્રોલમાં કરી શકાય છે. આ ઉપરાંત તેનું સેવન કરવાથી પેટને લગતી સમસ્યા દૂર કરી શકાય છે.
ચિયા સીડ્સ આપણા સ્વાસ્થ્ય માટે ખુબ જ જરૂરી માનવામાં આવે છે. એમાં ઓમેગા-3 ફેટી એસિડનો સારો સ્ત્રોત મળી આવે છે. જે હદયને સ્વસ્થ રાખવામાં મદદ કરે છે.
જો તમને અમારી માહિતી સારી લાગી હોય તો ગુજરાત ફિટનેસ સાથે જોડાયેલા રહો. અહીંયા તમને દરરોજ જીવન ઉપયોગી માહિતી જેવી કે હેલ્થ, યોગા, ફિટનેસ વિશેની માહિતી મળતી રહેશે.
