આપણે જાણીએ છીએ કે વધતા વજનને નિયંત્રિત કરવું આપણે માનીએ છીએ એટલું સરળ નથી. વજનને નિયંત્રિત કરવા માટે આહાર પર વિશેષ ધ્યાન આપવાની જરૂર છે. હેલ્થ એક્સપર્ટના જણાવ્યા પ્રમાણે વધુ પડતા ફાસ્ટ ફૂડના સેવન અને વધુ આરામદાયક જીવનશૈલીના કારણે વજન ખૂબ જ ઝડપથી વધવા લાગે છે.
સરળ શબ્દોમાં કહીએ તો, ફાસ્ટ ફૂડના સેવનથી કેલરી વધે છે. આ સાથે જ, કેલરી વધવાના પ્રમાણમાં કેલરી બર્ન ન કરવાને કારણે, વ્યક્તિ સ્થૂળતાનો શિકાર બને છે. તેથી, યોગ્ય દિનચર્યાનું પાલન કરવું, ફાસ્ટ ફૂડથી દૂર રહેવું, દરરોજ કસરત, સંતુલિત આહાર, પૂરતી ઊંઘ જરૂરી છે.
આ નિયમોનું પાલન કરીને તમે હંમેશા સ્વસ્થ રહી શકો છો અને તમારાથી રોગો પણ દૂર રહેશે. આ સિવાય 21 દિવસમાં વધતા વજનને કંટ્રોલ કરવા માટે અમે તમને કેટલીક ટિપ્સ જણાવીએ જે ટિપ્સ ફોલો કરો. તો ચાલો જાણીએ આ ટિપ્સ વિષે.
વધુમાં વધુ પાણી પીવો: હેલ્થ એક્સપર્ટના મતે દરરોજ રાત્રે ખાવાની 30 મિનિટ પહેલા અડધો લીટર પાણી પીવાથી 21 દિવસમાં ઓછામાં ઓછું 3 કિલો વજન ઘટી શકે છે. આ માટે દરરોજ વધુમાં વધુ પાણી પીવો. પાણી વધુ પીવાના કારણે શરીરમાં રહેલા ટોક્સિન્સ પણ બહાર નીકળી જાય છે, જેના કારણે પાચનતંત્ર મજબૂત રહે છે.
દરરોજ કસરત કરો: વધારાની કેલરી બર્ન કરવા માટે કસરત કરવી જરૂરી છે. આ માટે દરરોજ સવારે કે સાંજે 30 થી 45 મિનિટ કસરત કરો. ખાસ કરીને, ઝડપી ચાલવાની કસરત વધતા વજનને નિયંત્રિત કરવામાં મદદરૂપ સાબિત થાય છે. વધુમાં, તમે સાયકલિંગનો આશરો લઈ શકો છો.
ગ્રીન ટી પીવો: ગ્રીન ટીમાં ભરપૂર માત્રામાં કેફીન અને એપીગાલોકેટેચીન ગેલેટ (EGCG) હોય છે, જે ચયાપચયને ઝડપી બનાવવામાં અને ચરબી બર્ન કરવામાં મદદરૂપ થાય છે. નિષ્ણાતોના મતે, દરરોજ 3 થી 4 કપ ગ્રીન ટી પીવાથી 100 કેલરી બર્ન થાય છે. આ માટે દરરોજ ગ્રીન ટી પીવો.
જો તમારા વજન દિવસેને દિવસે વધી રહ્યું હોય તો તમે અહીંયા જણાવેલી ટિપ્સ ફોલો કરી શકો છો અને તમારા વધતા વજનને ઘટાડી શકો છો.
તો તમને અમારી આ ટિપ્સ પસંદ આવી હોય તો તમારા મિત્રોને જરૂરથી જણાવશો અને આવીજ માહિતી વાંચવા માટે ગુજરાત ફિટનેસ સાથે જોડાયેલા રહો.