મહિલાઓને ટીવી શો અથવા તો સિરિયલ જોવી વધુ પસંદ હોય છે. ઘણી મહિલાઓ ટીવી માં જોયેલી વસ્તુને પોતાનામાં અપનાવવાનો પ્રયત્ન કરતી હોય છે. જો તમે ટીવી જોવો છો તો તમે જોતા હશો કે સીરીયલમાં મહિલાઓ સવારે પથારીમાંથી બહાર નીકળતી જોવા મળે છે ત્યારે તેમના વાળ સિલ્કી અને સોફ્ટ દેખાય છે.
જે આપણને જોવામાં ખૂબ જ સરસ લાગે છે. પરંતુ શું તમે વિચાર્યું છે કે પથારીમાંથી બહાર આવતાની સાથે વાળ સિલ્કી અને સોફ્ટ દેખાઈ શકે? વાસ્તવિકતા તમે જે ટીવી સિરિયલ માં જોવો છો તેનાથી વાસ્તવિક પરિસ્થિતિ કંઈક અલગ જ હોય છે. એટલે તમારે કોઈએ આ વહેમમાં રહેવું નહિ.
મહિલાઓ ઘણીવાર ટીવી જોતા જોતા વિચારે છે કે મારા વાળ પણ સેલિબ્રિટીની જેમ સવારે સિલ્કી અને સોફ્ટ હોય. તમારા મનમાં પણ આ પ્રશ્ન થયો હશે. જો તમે સવારે કામમાં વ્યસ્ત હોવાને પોતાના વાળની યોગ્ય રીતે કેર કરી શકતા નથી એટલે કે તમે તમારા વાળ પાછળ સમય આપી શકતા નથી તો તમે વાળને સુંદર બનાવવા માટે રાત્રે કેટલીક ટિપ્સ અપનાવી શકો છો.
જો તમે અહીંયા જણાવેલી ટિપ્સ રાત્રે વાળની સાર-સંભાળ માટે ફોલો કરશો તો તમારા વાળ પણ સવારે એકદમ સ્થાયી, હેલ્દી, વાળ સિલ્કી અને સોફ્ટ દેખાશે. આ ટિપ્સ અપનાવવાનો ફાયદો એ થાય છે કે તમે તમારા વાળ પાછળ સવારે ઘણો સમય બચાવી શકો છો અને તમારો સુંદર અને આકર્ષક લાગી શકો છો. તો ચાલો જાણીએ આ ટિપ્સ વિષે.
સુતા પેલા રાત્રે વાળમાં તેલ લગાવો : દિવસમાં વધુ પવન અને હવામાં રહેલા રજકણો વાળને શુષ્ક અને નિર્જીવ બનાવી દે છે પરંતુ તેલ લગાવવાથી વાળમાં મોઈશ્ચરાઈઝ થાય છે અને આખી રાત માથામાં તેલ રહેવાને કારણે મહિલાઓ શાંતિ એટલે કે રિલેક્સ અનુભવે છે.
આ સાથે તે વાળને મૂળથી મજબૂત બનાવે છે અને વાળને પૂરતું પોષણ મળે છે જેના કારણે તમારા વાળ હેલ્દી રહે છે. માથામાં લગાવવાના તેલ પણ ઘણા બધા આવે છે પરંતુ તમે રાત્રે નારિયેળ તેલ, બદામનું તેલ અથવા સરસોના તેલને માથામાં લગાવો તો તે વાળ માટે વધુ સારું છે.
તમારે વાળની લંબાઈ મુજબ તેલ લગાવવું જોઈએ. તેલને માથામાં લગાવવા માટે સૌ પ્રથમ તેલને થોડું ગરમ કરીને પછી તેને હળવા હાથે માથામાં માલિશ કરતા કરતા લગાવો. બીજા દિવસે સવારે વાળને શેમ્પૂથી ધોઈ લો, તમારા વાળ સોફ્ટ અને ચમકદાર દેખાશે. આ સિવાય જો તમને વાળ ખરવાની સમસ્યા છે તો તે પણ ઓછી થઇ જશે.
હેર સીરમ લગાવો : જો તમને તેલ લગાવાથી માથામાં ચીપચીપાહટ લાગતી હોય તો તમે તમારા વાળમાં હેર સીરમ લગાવી શકો છો. હેર સીરમ લગાવવાના કારણે વાળની ફ્રિઝિનેસ ઓછી થાય છે અને ડ્રાય હેરની સમસ્યા રહેતી નથી અને વાળ ચમકવા લાગે છે.
આ ટિપ્સ માટે સૌ પ્રથમ હાથમાં એક કે બે વાર હેર સીરમ લો અને વાળના છેડા સુધી લગાવી લો, પરંતુ ધ્યાન રાખો કે મૂળ પર સીરમ ના લગાવશો, નહીં તો વાળ ઓઈલી દેખાશે.
સૂતા પહેલા વાળને હળવા બાંધો : ઘણા લોકો સુતા પહેલા પોતાના વાળને ફિટ અંબોળો વાળીને સુતા હોય છે પરંતુ જો તમને સુતા પહેલા વાળને ઢીલી ચોંટી બાંધીને સોફ્ટ હેર બેન્ડ લગાવો છો તો સવારે તમારા વાળમાં પહેલા કરતા ઓછી ગુંચ પડે છે. રાત્રે વાળને વધારે ટાઈટ બાંધવાની ભૂલ ક્યારેય ન કરો, કારણ કે તેનાથી વાળના મૂળ નબળા પડે છે અને વાળ તૂટીને ખરવાની સમસ્યા થઇ શકે છે.
વાળને ઢાંકો : જે પથારીમાં તમે સુવો છે એ પથારી નીચેથી જો કઠણ છે તો રાત્રે ઘણી વાર પથારી સાથે વાળ ઘસવાથી તમારા વાળ રૂખા થઇ જાય છે. પરંતુ જો તમે વાળને મુલાયમ રાખવા માંગતા હોય તો તમે વાળને રાત્રે ઠીક કરીને તેને નરમ કપડાથી બાંધી દો. આ ટિપ્સ અજમાવવાથી વાળમાં ઘર્ષણ થતું નથી અને વાળ બે મુખી વાળ થવાની શક્યતા ઘટી જાય છે.
ગંદા વાળ હોય તો સુવો નહીં : સામાન્ય રીતે જો વાળ સ્વચ્છ ના હોય તો તમે ફ્રેશ અનુભવતા નથી આથી વાળને બે થી ત્રણ દિવસના અંતરે ધોવા જોઈએ. વાળ ધોવામાં ન આવે તો માથાની ખોપરી ઉપરની ચામડીના છિદ્રો બ્લોક થઇ જવાથી વાળને લગતી સમસ્યાઓ જેમ ડેન્ડ્રફ અને વાળ ખરવાની સમસ્યાઓ વધી જાય છે.
આથી તમારા વાળને સ્વસ્થ્ય રાખવા માટે દિવસ દરમિયાન અમુક અંતરે તમારા વાળ ધોઈ લો, જો વાળ ધોયા પછી પણ યોગ્ય રીતે સુકવવામાં ન આવે તો વાળમાં ઇન્ફેક્શન થવાની શક્યતા વધી જાય છે એટલા માટે વાળને વ્યવસ્થિત રીતે સાફ કરી સુકવી લો.