શરીરને સ્વસ્થ રહેવા માટે પોષક તત્વોની જરૂર હોય છે, તેવી જ રીતે સ્વસ્થ વાળને પણ પોષણની જરૂર હોય છે. મજબૂત અને કાળા વાળ માટે પ્રોટીન, વિટામિન-ઇ, ઓમેગા-3 ફેટી એસિડ્સ, વિટામિન-બીથી ભરપૂર ખોરાક લેવો જોઈએ.
ખોટી જીવનશૈલીના કારણે વાળ ખરવા, ડેન્ડ્રફ જેવી સમસ્યાઓ સામાન્ય બની ગઈ છે. પરંતુ આ ખોરાકને ડાયટમાં સામેલ કરીને તમે વાળને હેલ્ધી બનાવી શકો છો. તો આવો જાણીએ, મજબૂત વાળ માટે રોજિંદા આહારમાં શું સામેલ કરવું જોઈએ.
ઇંડા : તમને જણાવીએ કે ઇંડામાં પ્રોટીન અને બાયોટિન ભરપૂર માત્રામાં હોય છે, જે મજબૂત વાળ માટે જરૂરી છે. હેલ્ધી વાળ માટે આહારમાં ઈંડાનો ચોક્કસપણે સમાવેશ કરો.
ઓટ્સ : ઓટ્સમાં ભરપૂર માત્રામાં આયર્ન, ઓમેગા-3 ફેટી એસિડ અને અન્ય વિટામિન હોય છે, જે વાળને ખરતા અટકાવે છે. જો તમે આહારમાં નિયમિતપણે ઓટ્સ લો છો, તો તે તમારા વાળને સ્વસ્થ રાખવામાં મદદ કરી શકે છે.
ગાજર : ગાજર આંખોની રોશની સાથે સાથે વાળ માટે પણ ફાયદાકારક છે. ગાજરમાં વિટામીન-એ, વિટામીન-બી, આયર્ન, ઝીંક અને અન્ય ઘણા પ્રકારના વિટામીન વિપુલ પ્રમાણમાં જોવા મળે છે. જે વાળ ખરતા અટકાવી શકે છે. ગાજર વાળ માટે સારું બૂસ્ટર સાબિત થઈ શકે છે.
આમળા : આમળામાં વિટામિન-ઈ જોવા મળે છે, જે વાળને વધારવામાં મદદરૂપ છે. આહારમાં આમળાના રસનું સેવન કરી શકાય છે. તેનાથી વાળની સમસ્યામાં રાહત મળી શકે છે.
ચરબીયુક્ત માછલી : ચરબીયુક્ત માછલીમાં વિટામિન-ડી, ઓમેગા-3 અને વિટામિન હોય છે. જો તમે વાળની સમસ્યાથી પરેશાન છો, તો તમે આહારમાં ચરબીયુક્ત માછલી એટલે કે સૅલ્મોન, હિલ્સા વગેરેનું સેવન કરી શકો છો.