મિત્રો ઘણી વાર આપણે જે વસ્તુઓ ખાઈએ છીએ તે વસ્તુઓ આપણને સ્વસ્થ લાગે છે, પરંતુ તે ખરેખર સુગર, ચરબી અને કાર્બોહાઇડ્રેટ્સથી ભરેલી હોય છે. તેથી આપણે હંમેશા આહારમાં એવા હેલ્ધી ફૂડ્સ પસંદ કરવા જોઈએ જે હેલ્ધી હોવાની સાથે સુપર પોષક તત્વોથી ભરપૂર હોય અને સ્વાસ્થ્ય માટે ફાયદાકારક હોય.
તેથી, તમારે હંમેશા યોગ્ય આહાર આયોજનને સાથે વળગી રહેવું જોઈએ. જે આહાર તમારું વજન વધતું અટકાવે છે સાથે સાથે અન્ય સ્વાસ્થ્ય સંબંધિત સમસ્યાઓથી પણ બચાવી શકે. તેથી જ આજે અમે આ લેખમાં મહિલાઓ માટે આવા 3 સુપરફૂડ લઈને આવ્યા છીએ જે તમને દિવસભર તૃપ્ત રાખશે. અહીંયા જે વસ્તુઓ વિષે જણાવીશું એ બધી વસ્તુઓ પોષણથી ભરપૂર એક સમાન છે. તો આવો જાણીએ આ ત્રણ પોષકતત્ત્વોથી ભરપૂર વસ્તુઓ વિષે.
1. એવોકાડો: સૌથી પહેલી વસ્તુ છે એવોકાડો. આજના સમયમાં એવોકાડો ઝડપથી લોકપ્રિયતા મેળવી રહ્યું છે કારણ કે તે પોષક તત્વોથી ભરપૂર છે. એવોકાડો વિટામિન-C , વિટામિન-E , વિટામિન-B6, પોટેશિયમ, મેગ્નેશિયમ અને હેલ્ધી ફેટ્સનો ઉત્તમ સ્ત્રોત છે. માત્ર અડધો એવોકાડો તમારા દૈનિક વિટામિન Kના સેવનના 18% પૂરું પાડે છે.
શરીરમાં વિટામિન K કેલ્શિયમના સરળ શોષણમાં મદદ કરીને હાડકાના સ્વાસ્થ્યને સુધારવા જરૂરી વિટામિન છે. એવોકાડો પોટેશિયમ અને ફાઈબરનો ભરપૂર સ્ત્રોત છે. તે પાચન માટે ખૂબ જ સારું માનવામાં આવે છે. જો કે, જો તમારું વજન વધતું જાય છે તો તમારે એવોકાડોનું સેવન મર્યાદિત માત્રામાં કરવું જોઈએ.
2. નટ્સ : જો તમને સમયાંતરે નટ્સ ખાવાનું ગમે છે તો તો તમારા બિનઆરોગ્યપ્રદ ઠંડા અને તળેલા નાસ્તાને બદલે નટ્સ ખાવાનું પસંદ કરવું જોઈએ. તમને જણાવીએ કે નટ્સ આરોગ્યપ્રદ છે, કારણ કે તેમાં ઓમેગા-3 ફેટી એસિડ ભરપૂર માત્રામાં હોય છે. દરરોજ એક મુઠ્ઠીભર નટ્સ ખાધા પછી તમને લાંબો સમય સુધી ભૂખ લાગશે નહીં.
કેટલાક અભ્યાસોમાં જોવામાં આવ્યું છે કે જે લોકો નિયમિતપણે નટ્સ ખાય છે તેઓનું વજન નટ્સ ન ખાતા લોકો કરતા ઓછું હોય છે. જો દરરોજ કાળજીપૂર્વક આહારમાં નટ્સનો સમાવેશ કરવામાં આવે તો તે કોલેસ્ટ્રોલના સ્તરને ઘટાડવામાં પણ મદદ કરી શકે છે. નટ્સ પ્રોટીન અને સારી ચરબીનો સારો સ્ત્રોત હોવાને કારણે તે હાર્ટ એટેકના જોખમને રોકવામાં પણ મદદ કરી શકે છે .
3. જુદી જુદી દાળો: આપણા ભારતીય ઘરોમાં દરરોજ જુદી જુદી દાળોનુ સેવન કરવામાં આવે છે. ભારતીઓનું ભોજન દાળ વગર અધૂરું છે. દરેક મહિલાઓ પોતાના ડાયટમાં દાળનો સમાવેશ કરીને ફિટ રહી શકે છે. દાળ વિટામિન્સ, પોટેશિયમ, ઝિંક, આયર્ન અને મેગ્નેશિયમનો સારો સ્ત્રોત છે.
ભારતીય ઘરોની દરેક શાકાહારી મહિલાઓ કે જેઓ તેમના રોજિંદા પ્રોટીનની માત્રાને પહોંચી વળવા માટે ચિંતિત હોય છે તેઓ દાળ નું સેવન પ્લાન્ટ બેઝ પ્રોટીનના ઉત્તમ સ્ત્રોત તરીકે કરી શકે છે કારણ કે દાળ પ્રોટીનથી ભરપૂર છે.
મસૂરની દાળમાં ફાઈબરનું પ્રમાણ ભરપૂર હોય છે અને તેથી તે પાચન માટે ઉત્તમ છે. ભારતના દરેક ભાગમાં દાળ પહેલેથી જ મુખ્ય ખોરાક છે. તમે પણ તમારા આહારમાં અહીંયા જણાવેલ 3 સુપરફૂડનો સમાવેશ કરીને લાંબા સમય સુધી ફિટ અને ફાઈન રહી શકો છો.
