શરીરમાં યુરિક એસિડ વધવાથી ઘણી બીમારીઓ થઈ શકે છે. છેલ્લા કેટલાક સમયથી વિશ્વભરમાં યુરિક એસિડના દર્દીઓની સંખ્યા વધી રહી છે અને તેનું કારણ જંક ફૂડ ખાવાની આદત, ખરાબ જીવનશૈલી, કલાકો સુધી બેસી રહેવાની ટેવ, દિસવમાં ઓછું પાણી પીવાની આદત અને કસરત ન કરવી જેવી ઘણી સ્થિતિઓ છે.
આ બધા પરિબળોને લીધે, શરીરમાં યુરિક એસિડનું સ્તર ખૂબ જ વધી જાય છે અને તેના કારણે સાંધાનો દુખાવો, સંધિવા અને સ્નાયુઓની નબળાઇ જેવી સમસ્યાઓ થાય છે.
ઘરગથ્થુ ઉપચારો અને આયુર્વેદની મદદથી યુરિક એસિડ ઘટાડવાની ઘણી રીતો છે જેને લોકો પોતાની અનુકૂળતા મુજબ અજમાવી શકે છે. પરંતુ, નિષ્ણાતોના મતે, યુરિક એસિડની સમસ્યાથી છુટકારો મેળવવા માટે, તમારી જીવનશૈલી અને ખોરાકની આદતોમાં ઘણા ફેરફારો કરવા જોઈએ.
યુરિક એસિડ વધવાના કારણો શું છે? લો મેટાબોલિઝમ, નબળું આંતરડાનું સ્વાસ્થ્ય, કસરત અને શારીરિક પ્રવૃત્તિ ન કરવી, પ્રોટીનનું વધુ પ્રમાણ અને ઓછી ચરબીવાળો ખોરાક લેવો, ભારે ખોરાક ખાવો, રાત્રિભોજન અને સૂવાનો સમય નક્કી ન હોવો, પાણીનું ઓછું સેવન કરવું, યકૃતનું નબળું પડવું, ખૂબ માંસાહારી ખોરાક લેવો વગેરે.
યુરિક એસિડના વધારાને રોકવા માટેના ઉપાય: શરીરમાં યુરિક એસિડના ઉચ્ચ સ્તરને નિયંત્રિત કરવા માટે જીવનશૈલીમાં કેવા પ્રકારના ફેરફારો કરવા જોઈએ. દરરોજ ઓછામાં ઓછી 45 મિનિટ કસરત કરવી જોઈએ. આખા દિવસમાં 10 થી 12 ગ્લાસ પાણી પીવો.
રાત્રિભોજનમાં રાજમા, વટાણા, ચણાનું સેવન ન કરો. સૂર્યાસ્ત પછી બને તેટલું જલ્દી ભોજન લો. વધુમાં વધુ વિટામિન સીથી ભરપૂર સાઇટ્રસ ફળોનું સેવન કરો. આ માટે આમળા, બેરી અને મોસંબી જેવા ફળોનું સેવન કરી શકાય છે.
શરીરના મેટાબોલિક રેટને વધારવા માટેના ઉપાય કરો. તણાવને વધવાથી રોકો અને તેને સારી રીતે મેનેજ કરવાનું શીખો. દરરોજ સુખદ અને ઓછામાં ઓછી 8 કલાકની ઊંઘ લો.
જો તમે પણ અહીંયા જણાવેલી ટિપ્સ ને ફોલો કરો છો તો તમારા શરીરમાં યુરિક એસિડ વધતા રોકી શકો છો.