મિત્રો સામાન્ય રીતે કેળા દરેક સીઝનમાં દરેક જગ્યાએ આસાનીથી મળી આવે છે. જે કિંમતમાં સસ્તા હોય છે પરંતુ આપણા સ્વાસ્થ્ય માટે ખૂબ જ ગુણકારી હોય છે. ઘણા ઓછા ફળો હોય છે જે દરેક સીઝનમાં મળી આવે છે પરંતુ બારેમાસ મળતા કેળા વરસાદની સીઝનમાં આપણા સ્વાસ્થ્ય માટે વધારે ગુણકારી સાબિત થાય છે.
કેળામાં મળી આવતા પોષક તત્વો આપણા સ્વાસ્થ્યને સ્વસ્થ્ય રાખવાની સાથે સાથે ઘણી બીમારીઓથી પણ બચાવવાનું કામ કરે છે. જેના લીધે આપણે વિવિધ પ્રકારની સમસ્યાનો સામનો કરવો પડતો નથી અને દવાઓનું સેવન કરવું પડતું નથી.
જો તમે વધુ પડતા ચાલીને આવો છો, કસરત અથવા વ્યાયામ કર્યા પછી થાક અનુભવો છો તો તમારે કેળાનું સેવન કરી લેવું જોઈએ. કારણ કે કેળામાં ભરપૂર પ્રમાણમાં એનર્જી મળી આવે છે. જે આપણને શકિત આપે છે અને થાકને દૂર કરે છે. આ સાથે તેના સેવનથી તમારા શરીરમાં રહેલી આળસ પણ દૂર થાય છે.
જ્યારે આપણે કેળાનું સેવન કરીએ છીએ ત્યારે આપણા આંતરડામાં વિશેષ પ્રકારના બેક્ટેરિયાનો જન્મ થાય છે. જે શરીર માટે હાનીકારક બીજા બેક્ટેરિયા દૂર કરીને પાચન સાથે જોડાયેલ રોગોથી રાહત આપવા માટે મદદ કરે છે. આ સાથે જ તેના સેવનથી આંતરડું એકદમ સાફ રહે છે અને તેમાં નકામો કચરો જમાં થતો નથી.
કેળામાં ભરપૂર પ્રમાણમાં મેગ્નેશિયમ મળી આવે છે. જેનાથી આપણે કેળાને આસાનીથી પચાવી શકીએ છીએ. આ સાથે તેમાં મળી આવતું ફાઈબર આપણને પેટના રોગોથી દૂર રાખે છે. જો તમે ભોજનમાં કેળાને શામેલ કરી દો છો તો તમારું મેટાબોલિઝ્મ લેવલ વધવા લાગે છે અને તમને ગેસ, અપચો, કબજિયાત જેવી સમસ્યાનો સામનો કરવો પડતો નથી.
કેળામાં સોડિયમની માત્રા એકદમ ઓછી અને પોટેશિયમ ની માત્રા વધારે હોય છે. જે બ્લડ પ્રેશર ની સમસ્યાને નિયંત્રણમાં કરવાનું કામ કરે છે. આ ઉપરાંત તેનાથી તમને હાર્ટ એટલે અને હાર્ટ સ્ટ્રોક જેવી ગંભીર સમસ્યાનો પણ સામનો કરવો પડતો નથી.
કેળામાં વિટામિન અને અન્ય પોષક તત્વો ભરપૂર પ્રમાણમાં મળી આવે છે. જેના લીધે આપણી ત્વચા એકદમ ચમકદાર અને કોમળ બને છે. આ સાથે જો તમને ત્વચા પર ખીલ, ડાઘ, ફોલ્લીઓ વગેરેની સમસ્યા રહેતી હોય તો તેનાથી પણ છુટકારો મેળવી શકાય છે.
જ્યારે આપણી તબિયત બગડે છે અને ઝાડાની સમસ્યા થઈ જાય છે ત્યારે મળ વાટે શરીરમાં રહેલું બધું જ પાણી વહી જાય છે. આવી સ્થિતિમાં જ્યારે તમે ભોજનમાં કેળાને શામેલ કરી દો છો તો તેનાથી ડીહાઇડ્રેશન ની સમસ્યા રહેતી નથી સાથે સાથે ઝાડાની સમસ્યાથી પણ તમે છુટકારો મેળવી શકો છે.