મિત્રો હવે શિયાળની ઋતુ આવી રહી છે આવી સ્થિતિમાં મોટાભાગે ઘણા લોકોને હાથ પગના સાંધાના દુખાવા, ઢીંચણના દુખાવા, કમરના દુખાવા, ખભાનો દુખાવા થવાની સમસ્યાઓ વઘવાનું શરૂ થઈ થશે.
ઘણા લોકોને સવારે ઉઠતાની સાથે જ હાથ પગના સાંઘા દુખતા હોય જયારે ઘણા લોકો જો ચાલવા લાગ્યો ત્યારે હાડકાંમાંથી અવાજ આવતો હોય છે. જેવી રીતે ચિકનગુનિયાની બીમારીમાં અસર થતી હોય તેવી જ રીતે સાંધાના દુખાવાની સમસ્યા વઘવા લાગી છે. તો આવી સમસ્યામાં આયુર્વેદિકમાં તેના ઘણા ઉપાય જણાવામાં આવ્યા છે.
આયુર્વેદિકમાં જણાવવામાં આવ્યું છે કે આપણા શરીરમાં જો વાત-પિત્ત- કફ આ ત્રણે અસંતુલિત થઈ જાય ત્યારે શરીરમાં નાની મોટી અનેક બીમારી થવાની શરૂઆત થઈ જતી હોય છે. જો કે સાંઘાના દુખાવાના ઘણા કારણો હોઈ શકે છે.
જો શરીરમાં પૂરતા પ્રમાણમાં કેલ્શિયમ ન હોય તો સાંઘાના અને સ્નાયુના દુખાવા થતા હોય છે. આ ઉપરાંત વાત નો પ્રકોપ વઘવાના કારણે પણ સાંઘાના દુખાવા થતા હોય છે. શરીરમાં યુરિક એસિડનું પ્રમાણ વધવાના કારણે પણ સાંઘાના દુખાવા માં વઘારો થઈ શકે છે.
માટે આજે અમે તમને કોઈ પણ પેઈન કિલરનો ઉપયોગ કર્યા વગર સાંઘાના દુખાવા, કમરના દુખાવા, ઢીંચણના દુખાવાને દૂર કરવાના કેટલાક ઘરેલુ ઉપાય જણાવીશું. તો આવો જાણીએ આ ઘરેલુ ઉપાય વિશે.
જો શરીરમાં યુરિક એસિડ વધવાને કારણે શરીરમાં સાંઘાનો દુખાવો રહેતો હોય તો એક ચમચી ગળો નો પાવડર, એક ચમચી શુદ્ધ દેશી ગાયનું ઘી અને એક ચપટી સૂંઢ પાવડર નાખીને મિક્સ કરી લો. હવે આ પેસ્ટને સવારે – સાંજે જમવાના અડધો કલાક પહેલા ખાઈ લેવાની છે. આ દેશી ઉપાય યુરિક એસિડ વધવાને કારણે થતા દુખાવામાં ખુબ જ અસરકારક સાબિત થશે.
જો તમારા શરીરમાં કેલ્શિયમની ઉણપના કારણે સાંઘાનો દુખાવો થતો કે હાડકામાં કટકટ અવાજ આવતો હોય તો તમારે બપોરે અને સાંજે જમવાની સાથે શુદ્ધ દેશી ગોળ ખાવાનો છે. દેશી ગોળ ખાવાથી કેલ્શિયમની ઉણપ દૂર થઈ જાય છે અને સાંઘા અને હાડકાના દુખાવામાં રાહત મળે છે.
જો તમને સાંધામાં અસહ્ય દુખાવો થતો હોય તો 1 ચમચી તલનું તેલ લઈ લો અને તેમાં લસણની 2 કળી નાખીને શેકી લો. ત્યાર પછી તે કળીને ઘીરે ઘીરે ચાવીને ખાઈ જવાની છે. લસણ ને આયુર્વેદમાં ઔષધી માનવામાં આવે છે.
પરંતુ જો કોઈને પિત્તને લગતી સમસ્યા હોય જેવી કે એસીડીટી રહેતી હોય, છાતીમાં દુખાવો થતો હોય તેવા લોકો એ તલના તેલ અને લસણનું સેવન કરવું નહીં. કારણકે લસણ ખુબ જ ગરમ હોય છે. જે એસિડિટીને વધારી શકે છે. જે ફાયદાની જગ્યાએ નુકસાન પહોંચાડી શકે છે.