જો તમે પણ વધતી ઉંમરમાં પોતાને ફિટ અને યુવાન રાખવા માંગતા હોવ તો તમારે દરરોજ થોડો સમય યોગ અને કસરત કરવા પાછળ ચોક્કસ કાઢવો જોઈએ. તમે દરરોજ થોડો સમય યોગ કરીને એકદમ સ્વાસ્થ્ય રહી શકો છો.
નિયમિત રીતે યોગનો અભ્યાસ કરવો એ સ્વસ્થ જીવન જીવવાની શ્રેષ્ઠ રીતો પૈકીની એક છે. આજે સમગ્ર વિશ્વમાં લોકો તેમના શરીરના સ્વાસ્થ્ય માટે યોગને અપનાવી રહ્યા છે. યોગ કરવાથી માનસિક અને શારીરિક બંને શાંતિ મળે છે.
આજે તમને એક એવી કસરત વિષે જણાવીશું જે કસરત કરીને તમે સ્વસ્થ્ય તો રહી શકો છો સાથે સાથે તમે તમારી ઉમર કરતા નાના અને યુવાન દેખાઈ શકો છો. આ કસરત નું નામ છે નટરાજાસન મુદ્રા.
નટરાજાસન દરેક કસરત સાથે શરીરમાં વધુ શક્તિ અને લવચીકતા વિકસાવે છે, તમારા પીઠના સ્નાયુઓને મજબૂત બનાવે છે, જેનાથી સંતુલન સુધરે છે. તે પેટ, પગની ઘૂંટીઓ અને પગને મજબૂત બનાવે છે.
પ્રક્રિયા: તમારા પગ એકસાથે રાખીને સીધા ઊભા રહો. તમારો જમણો હાથ આગળ રાખો. શ્વાસ લેતા લેતા, તમારા ડાબા ઘૂંટણને પાછળથી વાળો. શ્વાસ બહાર કાઢો અને ડાબા હાથથી, પગની ઘૂંટીને પકડી રાખો જ્યારે ડાબા પગને છત તરફ ઈશારો કરીને ડાબા પગને ઊંચો કરો.
તે જ સમયે, તમારા પગની ઘૂંટીને શરીરની સામે દબાવો અને છોડતા પહેલા 10 થી 15 સેકન્ડ સુધી આ પોઝમાં રહો.
સાવચેતીનાં પગલાં: અનિદ્રા , ગરદન અથવા પીઠની ઈજા અથવા લો/હાઈ બ્લડ પ્રેશરથી પીડાતી મહિલાઓએ આ યોગ કરતા પહેલા તેમના ડૉક્ટરની સલાહ લેવી જોઈએ.
સતત યોગાભ્યાસ ચયાપચયને સુધારી શકે છે, રોગપ્રતિકારક શક્તિ વધારી શકે છે અને એકંદર આરોગ્ય અને સુખાકારીમાં વધારો કરી શકે છે. જ્યારે તમે તે વારંવાર કરો છો, ત્યારે તે ગતિશીલતામાં સુધારો કરવામાં મદદ કરે છે, તણાવ ઘટાડે છે