શિયાળામાં શરીરમાં થતા કોઈ પણ દુખાવાની સમસ્યામાં વધારો થાય છે. શરીરમાં દુખાવામાં કમરનો દુખાઓ, ઘૂંટણનો દુખાઓ, સંધિવા કે પગનો દુખાઓ હોઈ શકે છે. પગના દુખાવાની સમસ્યાના ઘણા કારણો છે. ક્યારેક વધારે ચાલવાથી કે લાંબો સમય ઊભા રહેવાથી પણ પગમાં દુખાવો થાય છે. શરીરમાં પોષક તત્વોની ઉણપને કારણે પણ પગમાં દુખાવો થઈ શકે છે.
સ્થૂળતા, બુટ અને ચપ્પલ વગેરેની સાઈઝ બરાબર ન હોવી, એડીવાળા ચપ્પલ પહેરવા વગેરેથી પણ પગમાં દુખાવો થઈ શકે છે. ક્યારેક આ દુખાવો એટલો વધી જાય છે કે તમને ઉઠવા, બેસવામાં અને ચાલવામાં તકલીફ થવા લાગે છે. આ ઉપરાંત પગ અચાનક વળી જવો, ક્યાંક પડકાવું, ફ્રેકચર, હાઈ હિલ્સ પહેરવી પણ તેનું મુખ્ય કારણ બને છે.
જ્યારે વજન વધી જાય ત્યારે પણ આ દુખાવો વધારે થાય છે. એડીમાં દુખાવો થવાનું કારણ કોઈ જગ્યાએ ઘા પણ હોય શકે છે. જો ઘા જૂનો હોય અને દુખાવાની અવગણના કરવામાં આવે તો આ ઘા ગંભીર તકલીફ બની શકે છે અને ઓપરેશન પણ કરાવવું પડી શકે છે.
તો આજે, આ લેખમાં, અમે તમને પગના દુખાવામાં રાહત મેળવવા માટેના ઘરેલું ઉપચાર વિશે જણાવીશું, જેને અપનાવીને તમે રાહત મેળવી શકો છો. તો આવો જાણીએ.
એરંડાના તેલથી માલિશ કરો : એરંડાના તેલના ઉપયોગથી પગના દુખાવામાં રાહત મળે છે. તમે રોજ રાત્રે સૂતા પહેલા આ તેલથી તમારા પગની માલિશ કરી શકો છો. થોડા દિવસ આ તેલની માલીસ કરવાથી તમને ખુબજ આરામ મળશે.
હળદરનો ઉપયોગ કરો : હળદરમાં એન્ટિ-ઓક્સિડન્ટ અને એન્ટિ-ઇન્ફ્લેમેટરી ગુણો જોવા મળે છે, જે પગના દુખાવામાં રાહત આપવામાં અસરકારક છે. આ સ્થિતિમાં, પીડાથી રાહત મેળવવા માટે, તમે હળદરના તેલથી માલિશ કરી શકો છો અથવા હળદરનું દૂધ પી શકો છો.
રોક મીઠું અને પાણી : હૂંફાળા પાણી અને મીઠાનું મિશ્રણ પણ પગના દુખાવામાં અસરકારક સાબિત થઈ શકે છે. આ માટે, ટબમાં નવશેકું પાણી લો, તેમાં રોક મીઠું ઉમેરો. હવે આ પાણીમાં પગને લગભગ 15 મિનિટ સુધી રાખો. તમે પીડામાંથી રાહત મેળવી શકો છો.
આઈસ પેકનો ઉપયોગ કરો : વધુ પડતી કસરત અને ઈજાના કારણે પણ દર્દનો સામનો કરવો પડે છે. તેનાથી રાહત મેળવવા માટે એક કપડામાં આઈસ ક્યુબ લપેટીને અસરગ્રસ્ત જગ્યા પર લગાવો. જેના દ્વારા તમે દુખાવામાં રાહત મેળવી શકો છો. જોકે શિયાળામાં વધુ ઠંડુ લાગે પરંતુ ચોક્કસ ફાયદો થશે.
શરીરને ડિહાઈડ્રેડ રાખો: શરીરમાં પાણીની ઉણપથી પણ પગમાં દુખાવો થઈ શકે છે. આ માટે દરરોજ પૂરતા પ્રમાણમાં પાણી પીવો. તે પગના દુખાવાથી છુટકારો મેળવવામાં મદદગાર સાબિત થઈ શકે છે.
જો તમે પણ શિયાળામાં આ સમસ્યાથી પરેશાન થઇ ગયા છો તો અહીંયા જણાવેલ ઉપાય અપનાવી શકો છો અને રાહત મેળવી શકો છો. જો તમને આ માહિતી પસંદ આવી હોય તો તમારા મિત્રોને જરૂર શેર કરી જણાવો.