આજની વ્યસ્ત અને ભાગદોડ ભરેલી જિંદગીમાં પગમાં દુખાવો થવો એ એક સામાન્ય સમસ્યા બની રહી છે, જે કોઈપણ ઉંમરના લોકોને પરેશાન કરી શકે છે. સવારથી સાંજ સુધી ઘર, ઓફિસ અને અન્ય જવાબદારીઓ નિભાવતા રાત સુધી પગમાં દુખાવો થવા લાગે છે. સામાન્ય રીતે દરરોજ થોડો થોડો દુખાવો પગમાં થાકને કારણે થાય છે.
પગમાં દુખાવાના બીજા પણ ઘણા કારણો છે જેમ કે વિટામિન ડીની ઉણપ, સ્નાયુઓમાં તાણ, પેશીઓમાં નબળાઈ, પગમાં ઈજા થવાથી, સંધિવા અને વજન વધવું. જો તમને પણ તમારા પગમાં દુખાવો થતો હોય તો તમારે તેનું કારણ શોધી અને તેની સારવાર કરવી જોઈએ.
જો તમને રોજબરોજના થાક અથવા સ્નાયુઓના તાણને કારણે પગમાં દુખાવો થતો હોય, તો તમે તમારા પગના દુખાવાની ઘરે સરળતાથી સારવાર કરી શકો છો. તો આવો તમને જણાવીએ કે પગના દુખાવાથી છુટકારો મેળવવા માટે તમે કયા ઘરેલું ઉપાય અપનાવી શકો છો.
એપલ સીડર વિનેગરનું સેવન કરો: જો તમે વારંવાર પગના દુખાવા અને માંસપેશીઓના દુખાવાથી પરેશાન છો તો એપલ સાઇડર વિનેગર લો. સફરજનના વિનેગરમાં એનાલજેસિક ગુણ હોય છે, જે પગમાં સોજા અને દુખાવામાં રાહત આપે છે.
એપલ સાઇડર વિનેગરનો ઉપયોગ કરવા માટે એક કપ પાણીમાં બે ચમચી એપલ સીડર વિનેગર નાખીને ખાલી પેટ તેનું સેવન કરો. એપલ સાઇડર વિનેગર સ્વાસ્થ્ય માટે ખૂબ જ ફાયદાકારક છે.
ગરમ અથવા ઠંડા પાણીથી શિકાઈ કરો: જો તમે પગના દુખાવાથી પરેશાન છો તો પગની શિકાઈ કરો. શિકાઈ કરવા માટે તમે ઠંડા અથવા ગરમ કોમ્પ્રેસનો ઉપયોગ કરી શકો છો. શિકાઈ કરવાથી બ્લડ સર્ક્યુલેશન સારું રહે છે. રાત્રે સૂતા પહેલા દુખાવાની જગ્યા પર ગરમ હીટિંગ પેડ લગાવો, તમને દુખાવામાં રાહત મળશે.
એરંડિયું અથવા સરસવના તેલથી માલિશ કરો: એરંડાનું તેલ અથવા સરસવનું તેલ પગના દુખાવાને દૂર કરવા માટે ખૂબ જ અસરકારક સાબિત થાય છે. એરંડાના તેલથી પગની માલિશ કરવાથી પગનો દુખાવો ઝડપથી મટે છે. એરંડાના તેલમાં વિટામિન ઇ, મિનરલ્સ અને પ્રોટીન જેવા પોષક તત્વો હોય છે જે દુખાવામાં રાહત આપે છે.
તેમાં એન્ટીબેક્ટેરિયલ અને એન્ટીફંગલ ગુણ હોય છે જે પગના દુખાવામાં રાહત આપવામાં અસરકારક સાબિત થાય છે. પગના દુખાવાથી છુટકારો મેળવવા માટે તમે સરસવના તેલથી પણ માલિશ કરી શકો છો. આ તેલથી માલીસ કરવાથી માંસપેશીઓની જકડાઈ ઓછી થશે અને દુખાવો દૂર થશે. આ તેલની માલીસ કરવાથી તમને ઊંઘ પણ સારી આવશે.
યોગ કરીને પીડામાંથી રાહત મેળવો: પગના દુખાવાથી છુટકારો મેળવવા માટે પાર્શ્વ ઉત્તાન આસન શ્રેષ્ઠ ઉપાય છે. આમ કરવાથી કરોડરજ્જુ, હિપ્સ, ખભા, હેમસ્ટ્રિંગ અને કાંડામાં તાણ આવે છે. આમ કરવાથી પગ મજબૂત બને છે અને પગના દુખાવા અને સોજામાં રાહત મળે છે. આ યોગ કરવાથી ગરદન, ખભા, કોણી અને કાંડામાં સંધિવાનો દુખાવો ઓછો થાય છે.