શિયાળાની શરૂઆત થઇ ગઈ છે અને તેની સાથે જ આપણી ભૂખ પણ વધવા લાગી છે. શિયાળાની ઋતુમાં ઘણા લોકોને ઘણું ખાવાનું પસંદ હોય છે. પછી તે સ્ટ્રીટ ફૂડ હોય કે ઘરે બનાવેલો સ્વાદિષ્ટ નાસ્તા. જો કે, વધુ પડતા તળેલા ખોરાક ખાવાથી તમારા સ્વાસ્થ્ય પર ખરાબ અસર પડે છે.
શિયાળામાં પણ સ્વસ્થ રહેવા માટે આપણે વધુમાં વધુ હેલ્ધી ડાયટ પસંદ કરીએ તે જરૂરી છે. આજે અમે શિયાળાની એક એવા શાક વિશે જણાવી રહ્યા છીએ, જે પોષક તત્વોથી ભરપૂર તો છે જ સાથે સાથે તમારા સ્વાસ્થ્યને બગડવાથી પણ બચાવે છે. મિત્રો અહીંયા અમે પાલકની વાત કરી રહ્યા છીએ. પાલક ઘણા પોષક તત્વોથી ભરપૂર હોય છે, જે સ્વાસ્થ્ય માટે જાદુઈ કામ કરે છે. તો આવો જાણીએ તેના ફાયદા વિષે.
1. એનિમિયા ટાળે છે : જો તમે શિયાળામાં નિયમિતપણે તમારા આહારમાં પાલકનો સમાવેશ કરો છો, તો તે તમારા હિમોગ્લોબિન સ્તરને સુધારશે. પાલકમાં ભરપૂર માત્રામાં આયર્ન, પોટેશિયમ હોય છે અને અન્ય પોષક તત્વો પણ હોય છે, જે શરીરને લોહી બનાવવામાં મદદ કરે છે.
આ સાથે તમે એનિમિયાથી પણ બચો છો. પાલક ખાસ કરીને એવા લોકો માટે શ્રેષ્ઠ છે જેમને આયર્નની ઉણપ હોય અને એનિમિયા હોય. જો કે લીલા શાકભાજી બધા માટે ફાયદાકારક સાબિત થાય છે.
2. બ્લડ પ્રેશર ઘટાડે : હાયપરટેન્શન અને હ્રદયના રોગોથી બચવા માટે આપણે આપણા બ્લડપ્રેશરનું ધ્યાન રાખવું જરૂરી છે. પાલકમાં નાઈટ્રેટ ભરપૂર માત્રામાં હોય છે, જે બ્લડ પ્રેશરના સ્તરને જાળવવા અને ઘટાડવાનું કામ કરે છે. આ સિવાય પાલક હૃદયના સ્વાસ્થ્ય માટે પણ ખૂબ જ ફાયદાકારક છે.
3. આંખોની રોશની મજબૂત બનાવે : જો તમારી આંખો નબળી પડી રહી છે અથવા તમે તમારી આંખની તંદુરસ્તી સુધારવા માંગતા હોવ તો તમારા આહારમાં પાલકનો સમાવેશ કરો. પાલકમાં ઝેક્સાન્થિન, લ્યુટીન અને બીટા-કેરોટીન ભરપૂર હોય છે, જે બધા જ દૃષ્ટિને મજબૂત કરવામાં મદદ કરે છે.
4. રોગપ્રતિકારક શક્તિ વધારે : શિયાળાના મહિનાઓમાં આપણી રોગપ્રતિકારક શક્તિ થોડી નબળી પડી જાય છે, તેથી તેને મજબૂત બનાવવા માટે આપણે વધારાનું કામ કરીએ તે મહત્વનું છે. રોગપ્રતિકારક શક્તિ માટે, તમારે તમારા આહારમાં લીલા પાંદડાવાળા શાકભાજીનો સમાવેશ કરવો જોઈએ.
શિયાળામાં પાલક વધુ ખાવાની સલાહ આપવામાં આવે છે, કારણ કે તેમાં માત્ર બીટા-કેરોટીન જ નથી, પરંતુ એન્ટીઓક્સીડેન્ટ્સ અને વિટામિન-સી પણ છે, જે ચેપ સામે લડવામાં મદદ કરે છે.
5. હાડકાની મજબૂતી માટે : પાલકમાં સારી માત્રામાં વિટામિન-કે, પોટેશિયમ, કેલ્શિયમ અને અન્ય ઘણા વિટામિન્સ અને મિનરલ્સ હોય છે, જે હાડકાના સ્વાસ્થ્ય માટે ખૂબ જ મહત્વપૂર્ણ છે. પાલક તમારા હાડકાંને મજબૂત કરવાનું કામ કરે છે. જો તમે દરરોજ એક કપ પાલક ખાશો તો તેનાથી તમારા હાડકાના સ્વાસ્થ્યમાં ફરક પડશે.
6. વજન ઘટાડવામાં અસરકારક : આહારમાં પાલક લેવાથી તમને લાંબા સમય સુધી ભૂખ નથી લાગતી. આ સાથે તે શરીરને જરૂરી વિટામિન્સ, મિનરલ્સ અને એન્ટીઓક્સીડેન્ટ્સ પણ પુરા પાડે છે. જો તમે તમારા આહારમાં પાલકનો સમાવેશ કરો છો, તો તે ન માત્ર તમારું વજન ઘટાડવામાં મદદ કરશે પણ તમને સ્વસ્થ પણ રાખશે.