સૂંઠ વિષે તો બધા જ લોકો જાણતા હશે પરંતુ જે લોકો નથી જાણતા તેમને જણાવીએ કે સૂકવેલાં આદુને સૂંઠ કહેવામાં આવે છે. સૂંઠ નો ઉપયોગ ભોજનનો સ્વાદ વધારવા માટે કરવામાં આવે છે. આ સાથે તમને જણાવીએ કે સૂંઠ ઘણી બધી બીમારીઓથી દૂર કરવામાં મદદરૂપ થાય છે.
સૂંઠમાં ઘણા બધા એવા તત્વો રહેલા છે જે તમને નાની મોટી ઘણી બધી સમસ્યાથી બચાવવાનું કામ કરે છે. સુંઠમાં રહેલા પોષક તત્વો વિશે વાત કરવામાં આવે તો તેમાં ઓમેગા 3, ફેટી એસિડ, કેલ્શિયમ, મેગ્નેશિયમ સહિત બીજા ઘણા પોષકતત્વો રહેલા છે એટલા માટે સુંઠનો ઉપયોગ કરવાથી તમારા શરીરમાં જરૂરી પોષક તત્વો મળી રહે છે અને તમને પોષકતત્વોની ઉણપ પણ રહેતી નથી.
તો ચાલો તમને જણાવીએ કે સૂંઠનો ઉપયોગ કેવી રીતે કરવો જોઈએ અને તેનો ઉપયોગ કરીને કઈ કઈ બીમારીઓને દુર કરી શકાય છે. જે લોકો સાંધાના દુખાવા, હાથ પગના દુઃખાવા, સંધિવા, ઘૂંટણનો દુખાવો વગેરે જેવી સમસ્યાઓથી પીડાઈ રહ્યા છે તે લોકો તલના તેલમાં સૂંઠનો પાવડર બનાવીને તેને દુઃખવાગ્રસ્ત વિસ્તાર પર લગાવે તો કોઈ પણ પ્રકારનો દુખાવો કાયમ માટે દૂર કરી શકે છે.
આ સિવાય જે લોકોને રાત્રે દુઃખાવાને લીધે ઊંઘ નથી આવતી તે લોકો જો ઉપર જણાવેલ પેસ્ટને પગ અથવા હાથ પર લગાવીને પાંટો બાંધી લેવો. ત્યારબાદ સૂઈ જવું. આ ઉપાય કરવાથી તમારો દુખાવો દૂર થઇ અને તમે શાંતિની ઊંઘ લઇ શકો છો.
જે લોકોની પાચનશક્તિ નબળી છે તે લોકોએ ભોજનમાં દરરોજ સૂંઠનો ઉપયોગ કરવો જોઈએ. ભોજનમાં સૂંઠનો ઉપયોગ કરવાથી પાચન શક્તિ નબળી પડતી નથી અને તમને પેટની નાની મોટી સમસ્યા જેવી કે કબજીયાત, ગેસ, અપચો, એસિડિટી વગેરેથી રાહત મળે છે.
આજના સમયમાં કોઈ વ્યક્તિ પાસે ટાઈમ હોતો નથી, આખો દિવસ માણસ કામ કરવાને કારણે થાકી જાય છે. આ સાથે આખો દિવસ ચિંતા કરવાને કારણે વ્યક્તિ ઊંઘી પણ શકતો નથી. આવી સ્થિતિમાં સૌથી પહેલા સૂંઠ પાવડર ને પાણીમાં મિક્સ કરીને પેસ્ટ બનાવી લેવી.
ત્યારબાદ જ્યાં તમને માથાનો દુખાવો થતો હોય ત્યાં થોડીક વાર આ પેસ્ટ ઘસવાથી આરામ મળી જાય છે અને દુખાવો પણ દૂર થાય છે. વાતાવરણમાં થોડોક પણ ફેરફાર થવાને કારણે જો તમને શરદી, તાવ, ઉઘરસ અને કફ જેવી સમસ્યાઓ થાય છે તો આ સમસ્યા થવા પાછળ તમારી નબળી રોગપ્રતિકારણ શક્તિ જવાબદાર છે.
આ સમસ્યાથી છુટકારો મેળવવા માટે તમારે તજ પત્તા, સાકર અને સૂંઠ ત્રણેય મિક્સ કરીને પાણીમાં ઉમેરી ઉકાળો બનાવી લેવો. ત્યારબાદ તેનું સેવન કરવાથી તમારી નબળી રોગ પ્રતિકારક શક્તિમાં વધારો થશે અને તમે વાયરલ બીમારીઓથી દૂર રહેશો.
જો તમને અમારી માહિતી સારી લાગી હોય તો ગુજરાત ફિટનેસ સાથે જોડાયેલા રહો. અહીંયા તમને દરરોજ જીવન ઉપયોગી માહિતી જેવી કે હેલ્થ, યોગા,ફિટનેસ વિશેની માહિતી મળતી રહેશે.
