આજનું વ્યસ્ત જીવન, ખરાબ જીવનશૈલી અને તણાવ શરીરના ઘણા ભાગોને અસર કરે છે. પહેલા એવું માનવામાં આવતું હતું કે 50 વર્ષની ઉંમર પછી હાડકાં નબળા થઈ જાય છે. જોકે હવે નાની ઉંમરે પણ ધીમે ધીમે હાડકાં નબળા પડવા લાગે છે.
કેલ્શિયમની ઉણપને હાડકામાં નબળાઈનું મુખ્ય કારણ માનવામાં આવે છે. આ સિવાય રોજિંદા જીવનમાં થતી કેટલીક ભૂલો પણ તમારા હાડકાંને નબળા બનાવી શકે છે. આવી સ્થિતિમાં એવી કેટલીક ભૂલો જે તમારા હાડકાના સ્વાસ્થ્યને અસર કરે છે વિષે જાણવું જરૂરી બની જાય છે.
અતિશય મીઠું : ખોરાકમાં મીઠાની વધુ માત્રા માત્ર સ્વાદને બગાડે છે પરંતુ તે હાડકાંને પણ નબળા પાડે છે. ખરેખર, મીઠાની વધુ માત્રા હાડકાની ઘનતા ઘટાડી શકે છે. મીઠામાં સોડિયમ હોય છે, તે શરીરમાં કેલ્શિયમ ઘટાડી શકે છે. જો તમે વધુ પડતું મીઠું ખાઓ છો, તો શરીરમાં કેલ્શિયમની માત્રા ઓછી થવા લાગે છે. આવી સ્થિતિમાં, ખોરાકમાં મીઠાની માત્રા ખૂબ મર્યાદિત હોવી જોઈએ.
પૂરતો સૂર્ય ન મળવો : ડેસ્ક જોબને કારણે ઘણા લોકોને પૂરતો સૂર્યપ્રકાશ મળતો નથી. સૂર્યપ્રકાશ વિટામિન ડીનો સારો સ્ત્રોત છે. શરીરમાં વિટામિન ડીની ઉણપને કારણે કેલ્શિયમ પણ શરીરને મળતું નથી. તમારા આહારમાં વિટામિન ડીથી ભરપૂર ખોરાકનો સમાવેશ કરો.
આ સાથે જ ઠંડા પીણાનું સેવન બંધ કરો, જયારે પણ બહાર જવાનું થાય ત્યારે લીંબુ શરબત પીવો. આ સિવાય દરરોજ અડધો કલાક સૂર્યપ્રકાશ લેવાનો પ્રયાસ કરો. આ ઉપરાંત લાંબા સમય સુધી બેસી રહેવું તમારા હાડકા માટે જોખમી સાબિત થઈ શકે છે. એટલા માટે એ મહત્વનું છે કે તમે નિયમિતપણે કસરત કરતા રહો. ઉપરાંત, ઘણા કલાકો સુધી એક જગ્યાએ બેસવાનું ટાળો.
ચા: આપણે ત્યાં વર્ષોથી રિવાજ છે જે જયારે આપણે બહાર જઈને આવીએ અથવા જયારે મૂડ ખરાબ હોય ત્યારે ચા પીવીએ છીએ જેનાથી તાજગી આવી જાય. પરંતુ આ ચા તમારા હાડકાને નરમ પાડે છે. ઈગ્લેન્ડમાં થયેલા એક સંશોધન પ્રમાણે વધારે પડતી ગરમ ચા પીવાથી પેટને જોડતી નળીઓ પર તેની ખુબજ ગંભીર અસર પડે છે. જેનાથી પેટમાં કેન્સર જેવી ગંભીર બીમારીઓ સર્જાય છે.
આલ્કોહોલ : આલ્કોહોલનું સેવન શરીરના ઘણા અંગોને નુકસાન પહોંચાડે છે. તે હાડકા પર પણ અસર કરે છે. જો તમને આલ્કોહોલનું વ્યસન હોય તો તરત જ તેનાથી છૂટકારો મેળવવાનો પ્રયાસ કરો. દારૂની લતને કારણે હાડકાં નબળાં પડી જાય છે અને ધીમે-ધીમે તૂટવાની અણી પર આવી જાય છે.
આવી સ્થિતિમાં, આ વ્યસનને જલદીથી દૂર કરો. હાડકાં ઉપરાંત, આલ્કોહોલ તમારા ફેફસાં, કિડની અને લીવરને પણ અસર કરે છે. આલ્કોહોલ ઉપરાંત સિગારેટના વધુ પડતા સેવનથી પણ હાડકાં નબળા પડી શકે છે.