આજકાલ વાળ સંબંધી સમસ્યા થી નાના થી લઈને મોટા દરેક વ્યક્તિને પરેશાન કરતી હોય છે. અત્યારે ખાસ કરીને નાની ઉંમરમાં જ ઘણા લોકોને વાળ ખરવાનું શરુ થઈ જાય છે જેના કારણે માથામાં ટાલ પણ પડી જતી હોય છે.
જો તમારા વાળ ખુબ જ ઝડપથી ખરતા હોય અને વાળ કાળા, મજબૂત બનાવવા હોય તો તેના માટે મેથી ખુબ જ ફાયદાકારક સાબિત થશે. મેથી આપણા સ્વાસ્થ્ય ઉપરાંત વાળ માટે પણ ખુબ જ ઉપયોગી છે.
માથામાં મેથીના પાણીનો ઉપયોગ કરવામાં આવે તો ખોપડી પરની ચામડી અને વાળને પૂરતું પોષણ પૂરું પડે છે. જે વાળનો વિકાસ કરે છે અને માથાંમાં લોહીનું સર્ક્યુલેશન ખુબ જ સારું થાય છે. જેના કારણે ચામડી પણ મજબૂત થાય છે અને વાળ પણ મજબૂત કરે છે.
માટે આજે અમે તમને મેથી ના સાથે એવી કેટલીક વસ્તુનો ઉપયોગ કરીને માથાના વાળમાં અને વાળના મૂળમાં લાગવામાં આવે તો વાળ વાળ ખરતા અટકી જશે અને વાળ એકદમ મજબૂત થઈ જશે. તો ચાલો જાણીએ મેથીનો ઉપયોગ કરીને વાળને મજબૂત કરવાના ઉપાય વિશે.
મેથી દાણા અને મીઠા લીમડાના પાન: સૌથી પહેલા એક મુઠી જેટલા મેથી દાણાને લઈને રાત્રે એક ગ્લાસ પાણીમાં પલાળીને આખી રાત રાખો. ત્યાર પછી બીજા દિવસે તેને મિક્સરમાં ક્રશ કરીને પેસ્ટ તૈયાર કરી લો. ત્યાર પછી હવે મીઠા લીમડાના થોડા તાજા પાન લઈને તેમાં થોડું પાણી ઉમેરીને મિસરમાં ક્રશ કરી લો.
હવે બંને પેસ્ટને મિક્સ કરીને બરાબર હલાવી લો. ત્યાર પછી તે પેસ્ટને વાળમાં અને વાળના મૂળમાં લગાવીને મસાજ કરો. લગાવ્યા ના એક કલાક પછી વાળને શેમ્પુથી ઘોઈ દેવા. આ ઉપાય મહિનામાં ચાર વખત કરવાથી તમારા વાળ ખરતા અટકી જશે અને વાળ એકદમ મજબૂત અને કાળા થઈ જશે.
મેથી અને દહીં: સૌથી પહેલા એક મુઠી જેટલા મેથી દાણાને લઈને એક ગ્લાસ પાણીમાં પલાળીને આખી રાત રહેવા દો. ત્યાર પછી બીજા દિવસે તેને મિક્સરમાં નાખીને ક્રશ કરીને પેસ્ટ બનાવી લો. હવે તે પેસ્ટમાં થોડું દહીં મિક્સ કરીને વાળમાં અને વાળના મૂળમાં સરખી રીતે લગાવીને 5 મિનિટ મસાજ કરો.
હવે તેને એક કલાક સુધી રહેવા દો. પછી વાળને હર્બલ શેમ્પુથી ઘોઈ દેવા. આ ઉપાય અઠવાડિયામાં બે વખત કરવાથી ખરતા વાળ બંઘ થઈ જશે અને વાળ મજબૂત અને ચમકદાર બનાવી દેશે.
મેથી અને આમળાં: સૌથી પહેલા આમળાને સૂકવીને તેનો પાવડર બનાવી લો. ત્યાર પછી મેથી દાણા ને પીસીને તેનો પણ પાવડર તૈયાર કરી લો. હવે ત્રણ ચમચી મેથી પાવડર અને ત્રણ ચમચી આમળાનો પાવડર મિક્સ કરીને તેમાં પાણી મિક્સ કરીને પેસ્ટ બનાવી લો.
ત્યાર પછી તે પેસ્ટને માથાના વાળમાં અને વાળના મૂળમાં સરખી રીતે લગાવીને માલિશ કરી લો. હવે 30 મિનિટ થઈ જાય પછી વાળને હર્બલ આયુર્વેદિક શેમ્પુથી વાળને ઘોઈ દેવા. આ ઉપાય અઠવાડિયામાં એક વખત કરવાથી ખરતા વાળ બંધ થશે અને વાળ મજબૂત, કાળા અને ચમકદાર બનશે.
જો તમને અમારી માહિતી સારી લાગી હોય તો ગુજરાત ફિટનેસ સાથે જોડાયેલા રહો. અહીંયા અમે તમને દરરોજ જીવન ઉપયોગી માહિતી જેવી કે હેલ્થ, યોગા, ફિટનેસ વિશેની માહિતી મળતી રહેશે.
