વજનમાં ઝડપથી વધારો થવાના ઘણા કારણો હોઈ શકે છે, જેમ કે ફાસ્ટ ફૂડનું વધુ પડતું સેવન, ઠંડા પીણા અને સોફ્ટ ડ્રિંક્સ દરરોજ પીવું, ઘી, ચીઝ, માખણ, મેંદો અને ચણાના લોટમાંથી બનેલી વસ્તુઓનું વધુ પડતું સેવન કરવું વગેરે. પરંતુ આજે અમે તમને એવા કેટલાક સુપર ફૂડ્સ જણાવી રહ્યા છીએ, જેના સેવનથી તમારું વજન ઝડપથી ઘટવા લાગશે. તો આવો જાણીએ.
આમળા: આમળાનું સેવન કોઈપણ સ્વરૂપમાં કરી શકાય છે. આમળામાં ભરપૂર પ્રમાણમાં વિટામીન અને મિનરલ્સ જોવા મળે છે, જે વજન વધવા દેતા નથી અને ઘણી ગંભીર બીમારીઓને પણ દૂર કરે છે. આમળામાં વિટામીન સી હોય છે, ખાલી પેટ આમળાનો રસ પીવાથી જામી ગયેલી ચરબી જલ્દી ઓછી થવા લાગે છે અને વજન પણ ઝડપથી ઘટે છે .
લીંબુ: લીંબુમાં વિટામિન સી હોય છે જે પેટની વધારાની ચરબી દૂર કરે છે. રોજ સવારે ખાલી પેટે એક લીંબુનો રસ હૂંફાળા પાણીમાં ખાંડ નાખ્યા વગર પીવાથી થોડા દિવસોમાં વજન ઓછું થઈ જશે .
ફળો: દરરોજ મોસમી અથવા સંતરાનો જ્યુસ પીવો સ્વાસ્થ્ય માટે ખૂબ જ ફાયદાકારક સાબિત થાય છે. જેના કારણે શરીરને એનર્જી મળવાની સાથે વજન પણ કંટ્રોલમાં રહે છે. મોસમી અને નારંગી બંને વિટામિન સી અને ખનિજોથી ભરપૂર હોય છે જે ચરબી ઘટાડવાની સાથે વજન વધતા અટકાવવામાં મદદ કરે છે .
સફરજન: વજન ઘટાડવા માટે રોજ સફરજનનું સેવન કરવું જોઈએ. આ સિવાય સફરજનનો જ્યુસ પીવાથી પણ જલ્દી વજન ઓછું કરી શકાય છે. તે શરીરમાંથી વધારાની ચરબી દૂર કરે છે અને વજન ઘટાડે છે. નિયમિત રીતે ખાલી પેટ સફરજનનો રસ પીવાથી થોડા દિવસોમાં વજન ઓછું થવા લાગે છે .
કેરી: કાચી કેરી ખાવાથી ઝડપથી વજન ઘટાડવામાં મદદ મળે છે. તેમાં વિટામીન સી અને ફાઈબર ભરપૂર માત્રામાં જોવા મળે છે, જે પેટની આસપાસની ચરબીને દૂર કરે છે અને વજન વધતું અટકાવે છે. આ સિવાય કાચી કેરી ખાવાથી રોગપ્રતિકારક શક્તિ પણ મજબૂત બને છે.
જો તમે પણ અહીંયા જણાવેલી વસ્તુઓનું સેવન કરશો તો તમે તમારું વજન ધીરે ધીરે ઘટાડી શકો છો.